काेल्हापूर-येथील स्थानिक गुन्वेषण विभागाने गुन्हेगारांवर तसेच अवैध धंदे राेखण्याच्या कामगिरीत सातत्य राखताना पुन्हा एकदा पुणे बंगलुरू मार्गावर उजळाईवाडी येथे कसबा सांगाव हद्दीतून हाेणारी गुटखा वाहतूक राेखली आहे. यामध्ये बाईकवर वाहतूक करण्यात येणारी सुमारे ६१, २०० रुपयेचा मुद्देमाल जप्त करण्यात आला आहे. पाेलीस अधिक्षक महेंद्र पंडीत यांच्या मार्गदर्शनाखाली व पाेलीस निरीक्षक रविंद्र कळमकर यांच्या नेतृत्वाखाली स्थानिक गुन्हे अन्वेषन विभागाच्या पथकाने ही कारवाई केली.
उजळाईवाडी गावचे हद्दीत भारती विद्यापीठक्कडून पुणे बंगलोर हायवेस मिळणाचा रोडच्या कॉर्नरवर सापळा लावून अवैधरित्या गुटखा वाहतुक करणाऱ्या नागे विनायक भगवान पाटील (वय २७ रा. मानेनगर रेंदाळ, ता. हातकणंगले, जि. कोल्हापूर )याला पथकाने ताब्यात घेतले. त्याच्याकडून बाईक क्रमांक KA-23-EG-5757 वरून पोत्यामध्ये विमल पान मसाला, वि०१ तंबाखु, आरएमही पान मसाला, एम सुगंधी तंबाखू पाकीटे असा 61,200 रुपये किंमतीचा गुटखा व 30,000/-रूपये किंमतीची गुन्ह्यात वापरलेली स्प्लेंडर प्रो मोटारसायकल असा एकूण 91,200/- रूपये किंमतीचा मुद्देमाल जप्त करण्यात आला आहे. संशयित आरोपी याला गाेकुळ शिरगाव पाेलिसांत पुढील कारवाईसाठी साेपविण्यात आले आहे.
यानंतर दुसरी कारवाई करताना स्थानिक गुन्हे अन्वेषन विभागाने शनिवारी वाकी वसाहत चौक, कसबा सांगाव, (ता. कागल, जि. कोल्हापूर) येथे सापळा लावून अवैधरित्या गुटखा वाहतुक करीत असणाऱ्या राज मनोज कोगले (वय.23, रा. साळोखे पार्क, कुणाल जनरल स्टोअर्स जवळ, कोल्हापूर) यांस ताब्यात घेवुन त्याच्याजवळी मारूती सुझुकी ओमनी कार (नं. एम.एच.00 बी. बी. 4459) मधील पोत्यामध्ये असले बि-1 तंबाखु, विमल पान मसाला, राज जर्दा तबांखु, राज कोल्हापूरी पान मसाला, M-4 रॉयल आफरानी जर्दा, मुसाफीर पान मसाला, चेतावनी तंबाखु, आर.एन. सुगंधी सुपारी पाकीटे आसा 1,29,420/- रुपये किंमतीचा गुटखा व 3,50,000/-रूपये किंमतीची गुन्ह्यात वापरलेली मारुती सुझुकी ओमनी कार असा एकुण 4,79,420- रूपये किंमतीचा मुद्देमाल जप्त करण्यात आला आहे. राज मनोज कोगले या आरोपी यांस पुढील कायदेशीर कारवाई कामी कागल पोलीस ठाणेत जमा केले आहे. स्थानिक गुन्हे अन्वेषण शाखेचे पोलीस निरीक्षक रविंद्र कळमकर, सहा. पोलीस निरीक्षक चेतन मसुटगे, पोलीस उपनिरीक्षक जालिंदर जाधव तसेच पोलीस अंमलदार संतोष बरगे, प्रविण पाटील, वैभव पाटील, योगेश गोसावी, विशाल खराडे, गजानन गुरव, प्रदीप पाटील, महेंद्र कोरवी, कृष्णात पिंगळे, अमित मर्याने यांनी केली आहे.
 |
 |
 |
 |
 |