स्थानिक गुन्हे अन्वेशन शाखेची कामगिरी.. राजाराम पुरीच्या हद्दीत
कोल्हापूर: येथील स्थानिक गुन्हे अन्वेषण शाखेला खबऱ्याकडून काही लोक गांजा विक्रीसाठी येणार आहेत, अशी माहिती मिळाली. याची शहानिशा करून स्थानिक गुन्हे अन्वेषण शाखेचे पोलीस निरीक्षक रवींद्र कळमकर यांनी अधिकारी व पोलीस कर्मचारी यांच्या मदतीने तातडीने सापळा रचला. मिळालेल्या माहितीनुसार राजारामपुरी हद्दीत राजाराम तलाव परिसरामध्ये काही इसम गांजा अमली पदार्थ विक्रीकरिता येणार असल्याची खात्रीलायक माहिती खबऱ्याने दिली होती. त्यानुसार परिसरात पोलिसांनी पाळत ठेवली असता त्यांना दोन इसम तीन बॅगेसह संशयितरिता फिरताना व थांबलेले दिसले. त्यांना हटकले असता प्रथमतः पोलिसांना त्यांनी उडवाउडवीची उत्तर देत दिशाभूल करण्याचा प्रयत्न केला. मात्र पोलिसांनी खाक्या दाखवताच त्यांच्या बॅगेमध्ये सुमारे पाच लाख साठ हजार रुपये किमतीचा 28 किलो वजनाचा गांजा हा अमली पदार्थ सापडून आला.
 |
 |
 |
 |
- या करवाईमध्ये निहाल इकबाल शेख(वय 27 रा. शिरपूर जिल्हा धुळे) चरण लालासो शिंदे (वय 32 रा. मान.सातारा) या दोघांना पोलिसांनी ताब्यात घेतले आहे. यामध्ये ‘निहाल इकबाल शेख’ व चरण शिंदे याच्यावर विविध जिल्ह्यांमध्ये आधीच गुन्हे दाखल असल्याचे पोलीस निरीक्षक रवींद्र कळमकर यांनी सांगितले. या दोघांच्या वर राजारामपुरी पोलीस ठाणे येथे एनडीपीएस कायद्याअंतर्गत गुन्हा दाखल करण्यात आला आहे. पोलिसांनी सर्व मुद्देमाल जप्त केला आहे.
विधानसभा निवडणुकीच्या पार्श्वभूमीवर पोलीस अधीक्षक महेंद्र पंडित यांनी अवैध धंदे अमली पदार्थ साठा तसेच गुन्हेगारांचा शोध घेऊन प्रभावी कारवाई करावी असे आदेश सर्व पोलीस ठाणे व स्थानिक गुन्हे अन्वेषण शाखा यांना दिले आहेत, त्यानुसार पोलिसांनी मोहीम आखली असता,या कारवाईत हा गांजा, विक्रेता सापडला. ही मोहीम यशस्वी करण्यासाठी, पोलीस निरीक्षक चेतन मस्तगे व पोलीस पथकामधील पोलीस अंमलदार प्रवीण पाटील, वैभव पाटील, गजानन गुरव, प्रदीप पाटील, संतोष बर्गे,योगेश गोसावी, महेंद्र कोरवी, विशाल खराडे, परशुराम गुजरे ,अशोक पवार, अनिल जाधव, सुशील पाटील ,यांनी भाग घेतला.
ही कारवाई पोलीस अधीक्षक महेंद्र पंडित यांनी मार्गदर्शनाखाली व पोलीस निरीक्षक रविंद्र कळमकर यांच्या नेतृत्वाखाली यशस्वी करण्यात आली. या कामिगिरीनंतर पोलीस अधिक्षक महेंद्र पंडीत यांनी पथकाचे काैतुक केले.
 |
 |