कोल्हापूर: शिवाजी विद्यापीठाच्या लोकनृत्य आणि लोकवाद्यवृंद या दोन संघांची आंतरराष्ट्रीय युवा महोत्सवासाठी निवड झाली आहे. बेंगलोर येथे झालेल्या ३६व्या राष्ट्रीय युवा महोत्सवात ही निवड करण्यात आली.
बेंगलोरच्या जैन युनिव्हर्सिटी येथे २४ ते २८ फेब्रुवारी, २०२३ या कालावधीत ३६ वा राष्ट्रीय युवा महोत्सव झाला. यावेळी शिवाजी विद्यापीठाच्या लोकनृत्य व लोकवाद्यवृंद या दोन संघांची ६ ते ८ एप्रिल, २०२३ या कालावधीत लव्हली प्रोफेशनल युनिर्व्हसिटी, फगवाडा (पंजाब) येथे होणाऱ्या आंतरराष्ट्रीय युवा महोत्सवाकरीता निवड झालेली आहे. या निवडीचे पत्र विद्यापीठाच्या विद्यार्थी विकास विभागास नुकतेच प्राप्त झाले आहे. सदर आंतरराष्ट्रीय युवा महोत्सवात शिवाजी विद्यापीठाचा एकूण २६ सदस्यांचा संघ सहभागी होणार आहे. हा संघ स्पर्धेसाठी ३ एप्रिल रोजी रवाना होणार असून १२ एप्रिलला परतणार आहे.
या युवा महोत्सवात सहभागी होणाऱ्या विद्यापीठ संघाचे प्रमुख म्हणून डॉ. टी. पी. शिंदे (मुधोजी महाविद्यालय, फलटण) आणि एस. ए. मोरे, वरिष्ठ सहाय्यक, विद्यार्थी विकास विभाग हे काम पाहणार आहेत तसेच संघासोबत डॉ. पी. टी. गायकवाड संचालक, विद्यार्थी विकास हे जाणार आहेत. सदर आंतरराष्ट्रीय युवा महोत्सवात सहभागी होणाऱ्या विद्यापीठ संघास मा. कुलगुरु प्रा. डॉ. डी. टी. शिर्के, मा. प्र-कुलगुरु प्रा. डॉ. पी. एस. पाटील, मा. कुलसचिव डॉ. व्ही. एन. शिंदे यांचे विशेष मार्गदर्शन लाभले.
मुंबईने जिंकला ५५ धावांनी सामना, शिवाजी विद्यापीठाच्या दोन्ही संघांसह नांदेडचे विजय
‘शिवाजी द ग्रेट’ या चार खंडांच्या महाग्रंथाचा मराठी अनुवाद ‘महान शिवाजी’
