जैन कलार समाज न्यास नोंदणी क्रमांक F-56(N) मध्ये गेल्या 38 वर्षात 3 निवडणूका झाल्यात.परंतु जैन कलार समाज न्यास निवडणूक -2022 ही समाज बांधवांना धक्का देणारी ठरली.कारण देशात गल्ली पासून तर दिल्लीपर्यंत अनेक निवडणूका होतात आणि झाल्यात उदाहरणार्थ आमदार, खासदार, ग्रामपंचायत, महानगर पालिका,को-ऑपरेटीव्ह संस्था, बॅंकांच्या निवडणूका इत्यादी अनेक परंतु जैन कलार समाज न्याय निवडणूक-2022 हि आगळीवेगळी असल्याचे निवडणूक प्रक्रियेवरून स्पष्ट दिसून आले.कारण मतदान प्रक्रिया दिनांक 25 डिसेंबरला पार पडली यात एकूण 18000 सभासद संख्या असुन फक्त 11127 मतदारांनी मतदानाचा हक्क बजावला.
मतमोजणी ही एक किंवा दोन दिवसांत समाप्त करून निकाल अपेक्षित असतो.परंतु दिनांक 26 डिसेंबरला सुरू झालेली मतगणना 30 डिसेंबरला संपली म्हणजे तब्बल मतगणने करिता 5 दिवस लागले हा सुद्धा एक रेकॉर्डच म्हणावा लागेल मग ही कसली मतगणना म्हणावी?यामुळे समाज बांधवांच्या मनात शंका-कुशंका निर्माण होण्यास सुरुवात झाली. ही जैन कलार समाजबांधवांच्या प्रती शोकांतिकाच म्हणावी लागेल.अशा ढासळत्या प्रक्रियेमुळे समाजबांधवांच्या मनात जर-तर-किंतु-परंतु असे अनेक उदगार त्यांच्या तोंडून सुरू झाल्याचे स्पष्ट दिसुन येत आहे.महाराष्ट्रात लाखोंच्या संख्येने समाज बांधव रहातात यात फक्त 18000 सभासद ही सुद्धा शोकांतिकाच म्हणावी लागेल.यातही फक्त 11127 समाज बांधवांनी मतदानाचा हक्क बजावला त्यातही मतगणनेत महाघोळ आणि मतगणनेला 5 दिवस ही अत्यंत गंभीर आणि चिंताजनक बाब आहे.
आपण समाज बांधव एक आहोत असे म्हणतो तर निवडणूक प्रक्रिया किंवा मतमोजणी नियमानुसार ठरलेल्या कालावधीतच व ठरलेल्या वेळेवर व्हायला हवी होती परंतु तसे झालेच नाही आणि तेथुनच निवडणूकीचा वादंग निर्माण झाला.जैन कलार न्याय निवडणूक प्रक्रिया पहाता समाज बांधवांमध्ये असमंनजस्यतेचे वातावरण दिसून येत आहे.कारण निवडणूक अधिकारी म्हणून मोहन देवतळे व निलेश गायधने याची निवडणूक अधिकारी म्हणून निवड करण्यात आली व निवडणूक प्रक्रिया सुरळीत सुरू होती.परंतु अचानक मोहन देवतळे व निलेश गायधने यांना हटवून विद्यमान मंडळाने नितीन देशमुख यांची नियुक्ती केली ही सुद्धा शंकास्पद बाब आहे.त्यामुळे पुर्वीचे अधिकारी हाताळीत असलेली प्रक्रिया पुर्णपणे विसकळीत झाली व तेथुनच संपूर्ण घोळ निर्माण झाला आणि हा घोळ शेवटपर्यंत सुरूच रहाला. त्यामुळेच जैन कलार समाज न्यास निवडणूकीत महाघोळ झाल्याचे स्पष्ट दिसुन आले.
दिनांक 25 डिसेंबरला निवडणूक प्रक्रिया सुरळीत पारपडली यात दुमत नाही.परंतु 5 दिवस चाललेला मतमोजणीचा महाघोळ संपूर्ण समाज बांधवांच्या जिव्हारी लागल्याचे स्पष्ट दिसुन आले.कोणता उमेदवार निवडून येतो याला महत्त्व नसुन समाजाच्या दृष्टीकोणातुन निवडणूक प्रक्रिया निःपक्षपाती असने गरजेचे असते. परंतु जैन कलार समाज न्यास निवडणूक समाजाचा उद्देश बाजूला सारून राजकीय झाल्याचे दिसून आले.कारण निवडणूक जाहीर झाल्या नंतर मतदानापासून तर मतमोजणी पर्यंत अनेक त्रुटी समाज बांधवांना दिसून आल्यात समाजाला एकत्र ठेवायचे असेल तर अशा पध्दतीचा भोंगळ कारभार ताबडतोब थांबविला पाहिजे.समाजाच्या पैशातुन आपण निवडणूक खर्च लाखो रुपये करतो आणि हा पैसा समाज बांधवांचा असतो त्याचा योग्य वापर व्हावा ही संपूर्ण समाज बांधवांची इच्छा असते.परंतु लाखो रुपये खर्च करून नियमानुसार निवडणूक प्रक्रिया झालीच नाही असे मला वाटते.
आपण व्यवस्थीत आणि कायदेशीर निवडणूक प्रक्रिया घेतली असती तर समाजात असमनंजस्यतेचे वातावरण निर्माण झाले नसते शांततेने निवडणूक प्रक्रिया पारपडली असती.या निवडणुकीवर अनेक समाजबांधवांनी आक्षेप घेतल्यामुळे निवडणूक प्रक्रिया नियमबाह्य असल्याचे दिसून येते. त्यामुळे माझा आग्रह आहे की पुढील कार्य नियमांच्या चाकोरीतून पुढील पाऊल विद्यमान मंडळ व निवडणूक अधिकाऱ्यांनी उचलावे .जेनेकरून समाजात चांगला संदेश जावा.