जलस्त्रोत व्यवस्थापन हा जल जीवन मिशनचा एक महत्त्वाचा भाग
राशिवडे – प्रभावी पाणी व्यवस्थापनासाठी जलस्रोतांची सुरक्षितता व शाश्वतता एकत्रितपणे करणे अत्यंत महत्त्वाचे आहे. सुरक्षितता पाण्याची तात्काळ उपलब्धता सुनिश्चित करते तर शाश्वतता ही हमी देते की हे स्त्रोत भविष्यातील पिढ्यांसाठी कार्यरत राहतील. पुढील पिढीसाठी जलस्त्रोत बळकटीकरण करणे ही ग्रामपंचायत प्रशासनाची जबाबदारी आहे असे प्रतिपादन सामाजिक कार्यकर्ते आनंदा शिंदे यांनी मनवेल बारदेस्कर एज्युकेशन सोसायटी, स्वच्छता व पाणीपुरवठा विभाग जिल्हा परिषद कोल्हापूर व पंचायत समिती राधानगरी यांच्या वतीने राशिवडे बुद्रुक येते आयोजित केलेल्या जलस्त्रोत बळकटीकरण व शाश्वतीकरण कार्यशाळेत केले. अध्यक्षस्थानी सरपंच संजिवनी पाटील होत्या.
जलस्त्रोत व्यवस्थापन हा जल जीवन मिशनचा एक महत्त्वाचा भाग असून त्याचे बळकटीकरण करणे व शाश्वतता वाढवणे साठी व्यवस्थापनाने गांभीर्याने लक्ष घालणं गरजेचं आहे. यासाठी गावातील अनुभवी शेतकऱ्यांचा व लोकांचा सहभाग घ्यावा असेही आव्हान ही शिंदे यांनी केले. या दोन दिवशीय कार्यशाळेमध्ये पाण्याचे स्त्रोत आणि त्यांचे महत्त्व, स्त्रोत शाश्वतता, स्त्रोत व्यवस्थापनाची सद्यस्थिती, समुदाय आधारित स्त्रोत बळकटीकरण, भूजल पुनर्भरणाचे महत्व, भूजल पुनर्भरणाच्या पद्धती,जलचक्र आणि भूपृष्ठावरील पाणी, भारतातील जलधोरण,महाराष्ट्र राज्य जलधोरण, महाराष्ट्रातील प्रमुख पाणी योजना, भूजल संशोधनाच्या पद्धती आणि तंत्रे, भूजल मोजण्याच्या पद्धती, भूजल डेटा संकलनाच्या प्रमुख पद्धती, प्रजन्यमापक प्रणाली व त्याचे महत्त्व,पाण्याचे अंदाजपत्रक प्रक्रिया, भूजल पुनर्भरणाचे महत्व, भूजल पुनर्भरणाच्या पद्धती आणि तंत्रे, भूजल पुनर्भरणाचे फायदे, पर्यवेक्षण आणि गुणवत्ता नियंत्रण, भूजल पुनर्भरणासाठी वापरली जाणारी ड्रेनेज लाईन तंत्रे ई विषयावर अजय देशमुख भिकाजी कांबळे अनिल पाटील राजेश इनामदार सारिका पाटील कनिष्ठ अभियंता सर्जेराव काशीद पाणी गुणवत्ता निरीक्षक विजय सावंत यांनी मार्गदर्शन केले.
या कार्यशाळेत बारा गावातील 60 लोकांचा समावेश होता.या कार्यशाळेसाठी गटविकास अधिकारी सर्जेराव पाटील,जिल्हा पाणी व स्वच्छता मिशन कार्यक्रमाधिकारी माधुरी परीट, देवराज बारदेस्कर, यांचे मार्गदर्शन लाभले. सर्जेराव पाटील काशिनाथ कांबळे मुकुंद डोंगरे यांनी कार्यशाळेसाठी सहकार्य केले. यावेळी येळवडे सरपंच ओंकार पाटोळे कोदवडे सरपंच मंगल पाटील मोहडे सरपंच सुनीता पाटील,शिरगाव उपसरपंच अंकुश गुरव,उपसरपंच अजिंक्य गोनुगडे, सर्जेराव गोंगाणे, प्रकाश पोवार, निवास डकरे, सुरेश कुसाळे, आनंदराव पाटील धनाजी पाटील आनंदा चौगले यांच्यासह इतर गावातील सरपंच उपसरपंच व सदस्य उपस्थित होते. कार्यक्रम समन्वयक रणविजय कांबळे यांनी प्रास्ताविक केले आभार महादेव कामतकर यांनी मानले.