स्व. राजे विक्रमसिंह घाटगे विचारमंचची स्थापना स्तुत्य उपक्रम : राजे समरजितसिंह घाटगे

तुम्हीही POSITIVEWATCHचे सदस्य व्हा. आता जमाना डीजीटल मिडीयाचा. पारंपारिक मिडीयापेक्षा वेगाने वाढणारा मिडीया..तुमची जाहिरात आजच अल्पदरात द्या..आणि माेठा प्रतिसाद मिळवा.. संपर्क 9420939699

विनायक जितकर

स्व. राजेसाहेब यांचे विधायक विचार तळागाळापर्यंत पोचवूया…

कागल : स्व. राजे विक्रमसिंह घाटगे एक व्यक्ती नसून स्वतंत्र विचारधारा होती. त्यांचेकडे विधायक विचाराचे दूरदृष्टी नेतृत्व म्हणून पाहिले जात होते. राजकारणापेक्षा समाजकारणात त्यांना रस होता. विकास कामात त्यांनी कधीही राजकारण आणले नाही. सध्याची राजकीय परिस्थिती पाहता त्यांची हीच विचारधारा जपण्याची आणि ती सर्व सामान्यापर्यंत पोहोचवण्याची वेळ तुमच्या आमच्यावर येऊन ठेपली आहे. त्याची सुरुवात कागलमध्ये (अनंत रोटो स्पीन) येथील सरकार चौकातून झाली आहे. सध्याच्या राजकीय परिस्थितीमध्ये ही चांगली संकल्पना असून, त्यांची हीच विचारधारा आपण तळागाळापर्यंत पोहचवूया असे प्रतिपादन शाहू ग्रुपचे अध्यक्ष व भाजपचे जिल्हाध्यक्ष राजे समरजितसिंह घाटगे यांनी केले.

ते कागल मधील अनंत रोटो स्पिन परिसरातील सरकार चौकातील स्व. राजे विक्रमसिंह घाटगे विचारमंचच्या नामफलकाच्या अनावर प्रसंगी बोलत होते. ते पुढे म्हणाले, स्व. राजेसाहेब यांनी कागल येथे दिल्ली येथील अक्षरधाम धर्तीवर श्रीराम मंदिर बांधले. या पाठीमागे हाच उद्देश होता की कागल मध्ये रामराज्य यावे. युगपुरुष छत्रपती शिवाजी महाराजांनी आपले आयुष्य स्वराज्य निर्मितीसाठी खर्ची घातले. प्रभू श्रीराम आणि छत्रपती शिवाजी महाराज,छत्रपती शाहू महाराज यांना आदर्श मानूनच समाजकारणामध्ये आमची वाटचाल चालू आहे. यामध्ये जनतेने कागल मधील पारंपारिक राजकारणाला फाटा देऊन आम्हाला साथ दिली तर भविष्यात कागल मध्ये रामराज्य आल्याशिवाय व स्वराज्याचा भगवा फडकल्याशिवाय राहणार नाही.कागल ची माजी उपनगराध्यक्ष रमेश माळी म्हणाले, स्व. राजेसाहेब, यांचा मी मूळ कार्यकर्ता.

त्यांचे संस्कार माझ्यावर आहेत. आज कागल तालुक्याची राजकीय परिस्थिती पाहता खरोखरच राजे साहेबांचे समाजभिमुख व विधायक विचार पुढे नेण्याची गरज आहे. त्यासाठी स्व. राजे विक्रमसिंह घाटगे विचारमंचची स्थापना ही आजची गरज आहे. या कार्यक्रमाच्या निमित्ताने या विभागातून निवडून गेलेल्या भाजपच्या नगरसेविका सौ विजया निंबाळकर यांची डोंगरी विकास जिल्हास्तरीय नियोजन समिती सदस्यपदी निवड झाल्याबद्दल व बांधकाम विभागात चांगली सेवा बजावून निवृत्त झाल्याबद्दल श्री आप्पासो जाधव या दोघांचा राजेसाहेब यांच्या हस्ते सत्कार करण्यात आला. यावेळी शाहूचे संचालक यशवंत उर्फ बॉबी माने व नगरसेविका सौ विजया निंबाळकर यांनी मनोगत व्यक्त केले. या कार्यक्रमास विचारमंचचे अध्यक्ष कुंडलिक हिरुगडे,सौ रेवती बरकाळे, महेश भोसले,. यांच्यासह विभागातील कार्यकर्ते व महिला मोठ्या संख्येने उपस्थित होत्यास्वागत विचार मंचचे उपाध्यक्ष रियाज अहमद जमादार यांनी तर आभार सेक्रेटरी शिवगोंडा पाटील यांनी मानले.

पाँझिटीव्ह वाँच युथ असाेशिएन: पाेलीस मित्र, शासन मित्र, पत्रकार मित्र व समाज मित्र चे सभासद व्हा. सभासद बना. संपर्क रंजित आवले-9172137202आमच्या लाेकप्रिय पाँझिटीव्ह वाँच न्यूज पाेर्टलवर अल्पदरात छाेटी व माेठी जाहिरात देऊन प्रतिसाद मिळवा. गणेशाेत्सव ते दिपावलीपर्यंत सवलतीच्या दरात प्रसिद्धी मिळवा.