|
प्रदेशाध्यक्ष रवींद्र चव्हाण यांच्या उपस्थितीत निवडणूक रणनीतीवर चर्चा; शिक्षकांच्या प्रश्नांसाठी कार्य करण्याचा कौस्तुभ गावडे यांचा निर्धार
सातारा- TEAM WATCH
पुणे विभाग शिक्षक व पदवीधर मतदारसंघाच्या आगामी निवडणुकीच्या पार्श्वभूमीवर भारतीय जनता पक्षाच्या सातारा जिल्हा कोअर कमिटीची महत्त्वपूर्ण बैठक भाजपा प्रदेशाध्यक्ष मा. श्री. रवींद्र चव्हाण यांच्या प्रमुख उपस्थितीत संपन्न झाली. या बैठकीत निवडणुकीच्या अनुषंगाने पक्षसंघटना अधिक बळकट करणे, कार्यकर्त्यांची भूमिका आणि मतदारांपर्यंत प्रभावीपणे पोहोचण्यासाठी करावयाचे नियोजन यावर सविस्तर चर्चा करण्यात आली. या बैठकीत प्रामुख्याने युवकांना सक्षम करून त्यांच्या प्रगतीसाठी नव्या संधी उपलब्ध करून देणे, तसेच शिक्षक व पदवीधरांच्या विविध ज्वलंत प्रश्नांना योग्य व्यासपीठ मिळवून देण्यासाठी संघटितपणे प्रयत्न करणे, यावर विशेष भर देण्यात आला. आगामी काळात शिक्षक व पदवीधर मतदारांशी प्रभावी संवाद साधून पक्षाची भूमिका त्यांच्यापर्यंत पोहोचवण्याबाबत प्रदेशाध्यक्षांनी मार्गदर्शन केले.
या महत्त्वपूर्ण बैठकीस केंद्रीय राज्यमंत्री मुरलीधर मोहोळ, महाराष्ट्राचे मंत्री चंद्रकांतदादा पाटील, मंत्री जयकुमार गोरे, शिवेंद्रराजे भोसले, राज्यमंत्री माधुरीताई मिसाळ, भाजपा प्रदेश सरचिटणीस राजेश पांडे, भाजपा प्रदेश सरचिटणीस आमदार निरंजन डावखरे, धैर्यशील कदम, श्रीमती प्रियाताई शिंदे उपस्थित होते. तसेच पुणे पदवीधर मतदारसंघाच्या उमेदवार डॉ. स्मिताताई योगेश जाधव यांच्यासह भाजपाचे विविध प्रमुख पदाधिकारी या वेळी उपस्थित होते.
 |
सातारा जिल्हा कोअर कमिटी..शिक्षक व पदवीधर मतदारसंघ निवडणुकीसाठी भाजपाची जोरदार तयारी
पाँझिटीव्ह वाँचचे सभासद व्हा. शासन मित्र, पाेलीस मित्र, पत्रकार मित्र बना.
