महाराष्ट्र राज्यात शिवसेनेचा विस्तार होत असताना, युवासेनेच्या माध्यमातून युवकांचे संघटन मजबूत करण्यासाठी युवासेना कार्यकारणीचा विस्तार करण्यात येत आहे. कोल्हापूर जिल्ह्यात युवकांचे प्रश्न सातत्याने मांडणाऱ्या आणि सामाजिक कार्याच्या जोरावर युवकांचे नेतृत्व बनलेल्या ऋतुराज क्षीरसागर यांची युवासेनेच्या कोल्हापूर व हातकणंगले मतदारसंघाच्या “अध्यक्ष” पदावर नियुक्ती करण्यात आली आहे.
![]() |
![]() |
मुख्यमंत्री एकनाथ शिंदे यांच्या आदेशाने खासदार डॉ.श्रीकांत शिंदे यांच्या मार्गदर्शनाने शिवसेना सचिव भाऊ चौधरी, शिवसेना सचिव सिद्धेश कदम यांनी शिवसेना मध्यवर्ती कार्यालयातून युवासेना लोकसभा अध्यक्ष पदाच्या नियुक्त्या केल्या आहेत. विद्यार्थी प्रवेश प्रक्रिया, डोनेशन विरोधी मोर्चा, रोजगाराचे प्रश्न यासह शाळा- महाविद्यालयांवर आरोग्य शिबिरे, मैत्रीयुवा महोत्सवाच्या माध्यमातून व्यसन मुक्ती संदेश अशा सामाजिक उपक्रमांच्या माध्यमातून ऋतुराज क्षीरसागर यांनी नेतृत्व केले आहे.पक्षनेतृत्वाचा असणाऱ्या विश्वासास तडा जावू न देता कोल्हापूर व हातकणंगले या दोन्ही लोकसभा मतदारसंघात युवकांचे जाळे निर्माण करून शिवसेना – युवासेनेचे प्राबल्य वाढविणार असल्याचे प्रतिपादन नवनियुक्त युवा सेना कोल्हापूर व हातकणंगले लोकसभा अध्यक्ष ऋतुराज क्षीरसागर यांनी केले.
![]() |
![]() |