नवरात्र उत्सव: नवचैतन्याचा उज्ज्वल प्रकाश आणि निसर्ग रक्षणाचा संकल्प

१. श्री महालक्ष्मी (अंबाबाई, कोल्हापूर): हे पहिले पूर्ण शक्तिपीठ असून येथे साक्षात आदिशक्तीचे वास्तव्य आहे.
२. श्री रेणुकामाता (माहूरगड, नांदेड): हे देवीचे दुसरे पूर्ण शक्तिपीठ आहे. येथे रेणुकादेवीसह दत्तात्रय आणि परशुराम यांची प्राचीन मंदिरे आहेत.
३. श्री तुळजाभवानी (तुळजापूर, धाराशिव): महाराष्ट्राची कुलस्वामिनी आणि स्वराज्य संस्थापक छत्रपती शिवाजी महाराज यांचे आराध्य दैवत असलेले हे तिसरे पूर्ण शक्तिपीठ आहे.
४. श्री सप्तशृंगी देवी (वणी, नाशिक): हे अर्धे शक्तिपीठ मानले जाते. महाकाली, महालक्ष्मी व महासरस्वतीचे ओंकार रूप असलेल्या या देवीने महिषासुराचा वध केल्यानंतर येथे वास्तव्य केले होते.

या नवरात्रोत्सवात केवळ फोटो काढण्यापुरते वृक्षारोपण न करता, संपूर्ण ९ दिवस युद्धपातळीवर वृक्षलागवडीची मोहीम राबवली पाहिजे. यात दुर्गा मंडळे, शाळा, महाविद्यालये आणि सामाजिक संस्थांनी एकत्र येणे काळाची गरज आहे. ऑक्सिजनची कमी होणारी मात्रा आणि दुष्काळाचे संकट दूर करण्यासाठी मोठ्या प्रमाणावर झाडे लावणे आवश्यक आहे. देवी म्हणजेच संपूर्ण ब्रह्मांड आहे; त्यामुळे वृक्षांच्या पानात, फुलात आणि फळातच आपल्याला देवीचे खरे दर्शन घडेल. या नवरात्रीत ‘वृक्षांविना ही सृष्टी नाही’ हा विचार जपत सर्वांनी वृक्षारोपणाचा इतिहास घडवावा. हे माते, या कोरड्या दुष्काळापासून सर्वांना सावरण्याची शक्ती प्रदान कर आणि सर्वत्र सुख-शांती नांदू दे, हीच तुझ्या चरणी प्रार्थना!