चोरी दरोड्याच्या घटनेत चोर होणार जेरबंद, ग्रामसभा, सरकारी योजनांची ग्रामस्थांना माहिती मिळणार…
कोल्हापूर -ग्रामस्थांना मिळणार आता अनेक सुविधा, संरक्षण. स्वतःबरोवरच करा गावाचेही रक्षण. ना चोरी होणार ना अनपेक्षित घटना , अस काही होताच मिळणार अकख्या गावाला माहिती. तसेच शासकीय योजनांची ही समजेल सविस्तर माहिती. काय आहे प्रकार नेमका घ्या जाणून. तुम्ही ही या योजनेत सहभागी व्हा. ही योजना आहे, फक्त तुमच्यासाठीच.
जिल्हा पोलीस अधीक्षक महेंद्र पंडित, जिल्हा परिषद मुख्य कार्यकारी अधिकार एस. कार्तिकेन यांच्या प्रयत्नातून, व सयुंक्त विद्यमाने ग्राम सुरक्षा यंत्रणा सुरू झाली असून, 18002703600 /9822112281 या टोल नंबरवर संपर्क साधल्यास होईल सारा गाव जागा. नेमकं याचेच प्रशिक्षण व प्रात्यक्षिक कार्यक्रम अप्पर जिल्हा पोलीस अधीक्षक जयश्री देसाई, करवीरचे प्रभारी अधिकारी पोलीस निरीक्षक किशोर शिंदे, सहाय्यक पोलीस निरीक्षक संजय बोंबले, पोलीस उपनिरीक्षक युवराज धोंडे, आकाशदीप भोसले, नोडल अधिकारी ग्राम सुरक्षा यंत्रणा, गणेश लोकरे वरिष्ठ विभागीय अधिकारी ग्राम सुरक्षा यंत्रणा, विक्रमसिंह घाटगे जिल्हा समन्वयक ग्राम सुरक्षा यंत्रणा, अविनाश पोवार, सुहास पोवार, गोपनीय अंमलदार यांच्यासह करवीर पोलीस स्टेशनचे अंमलदार व हद्दीतील सर्व सरपंच, उपसरपंच, ग्रामपंचायतचे सर्व सदस्य, पोलीस पाटील, तंटामुक्ती अध्यक्ष, अशा सेविका, अंगणवाडी सेविका, तलाठी कोतवाल, ग्रामपंचायत कर्मचारी, व्यापारी, पोलीस मित्र व सहकारी तसेच सामाजिक कार्यकर्ते यावेळी उपस्थित होते.
पोलीस स्टेशन हद्दीत संकट काळात आपत्तीग्रस्त नागरिकाने ग्राम सुरक्षा यंत्रणेच्या टोल फ्री नंबर 18002703600/9822112281 वर कॉल केल्यास संबंधित व्यक्तीचा आवाज गावातील सर्व नागरिकांना कॉल स्वरूपात तत्काळ ऐकवला जाणार असल्याने गुन्ह्यांना आळा घालणे शक्य होणार आहे. ग्राम सुरक्षा यंत्रणेचे संचालक डी. के. गोर्डे यांनी नागरिकांना यंत्रणेचे प्रशिक्षण व प्रात्यक्षिक दाखवले. पोलीस स्टेशन हद्दीतील नागरिकांनी यंत्रणेत पुढील 48 तासांत सहभागी होण्याचे आश्वासन दिले. कार्यक्रमाचे संयोजन करवीरचे पोलीस निरीक्षक किशोर शिंदे यांनी केले.
ग्राम सुरक्षा यंत्रणा पोलीस स्टेशन हद्दीत कार्यान्वित करण्यासाठी 50 रुपये प्रति कुटुंब, प्रति वर्ष इतका खर्च येणार आहे. या खर्चाची 15 व्या वित्त आयोगाच्या निधीतून तरतूद केली आहे.
#@गेल्या 14 वर्षांत पुणे,सोलापूर, अहमदनगर, धाराशिव, छत्रपती संभाजीनगर जिल्ह्यातील 6500 हून अधिक गावे व ग्रामीण पोलीस स्टेशन ग्राम सुरक्षा यंत्रणेत सहभागी झाले आहेत. ग्रामस्थ आपापले मोबाईल नंबर नोंदवून यंत्रणा वापरत आहेत.
@#संपूर्ण भारतासाठी वापरता येणारा टोल फ्री नंबर 18002703600/9822112281 वर नोंदणी केलेल्या नागरिकाने आपत्ती काळात फोन केल्यास त्याचा आवाज परिसरातील हजारो नागरिकांना त्वरित मोबाईलवर ऐकू जातो. परिसरातील नागरिकांना घटनां घडत असतांनाच घटनेची माहिती मिळाल्याने तातडीने मदत करणे व नुकसान टाळणे शक्य होते.
ग्राम सुरक्षा यंत्रणेची उद्दिष्ट
घटनाग्रस्त नागरिकांना परिसरातील नागरिकांची तातडीने मदत मिळते. गावातील कार्यक्रम / घटना विना विलंब नागरीक/ग्रामस्थांना एकाच वेळी समजेल. अफवांना आळा बसेल. प्रशासनाला नागरिकांशी जलद संवाद साधता येईल व पोलीस यंत्रणेस कायदा व सुव्यस्था कायम राखणे कामी नागरिकांचे सहकार्य मिळेल असा विश्वास यंत्रणेकडून व्यक्त करण्यात आला.
ग्राम सुरक्षा यंत्रणेची वैशिष्ट्ये
संपूर्ण स्वयंचलित यंत्रणा गावासाठी करणे. सहभागी होण्यासाठी सोपी पद्धत. संपूर्ण भारतासाठी एकच टोलफ्री नंबर 18002703600/9822112281.यंत्रणेत सहभागी असलेला कोणताही नागरिक आपत्ती काळात संपूर्ण परिसराला सावध करू शकेल. संदेश देणाऱ्या व्यक्तीच्या आवाजातच संदेश कॉल स्वरुपात परिसरातील नागरिकांना मिळतो. दुर्घटनेचे स्वरूप, तीव्रता, ठिकाण कळल्याने गावकऱ्यांना विना विलंब व नियोजनबद्ध मदत करता येईल. नियमानुसार दिलेले संदेशच स्वयंचलित रित्या प्रसारित होतात नियमाबाह्य दिलेले संदेश/ अपूर्ण संदेश रद्द होतात व प्रसारित होत नाहीत. एका गावात चोरी करून चोर दुसऱ्या गावच्या दिशेने गेल्यास त्या गावालाही सावध करणे शक्य होणार.
वाहन चोरीचा संदेश आजूबाजूच्या 10 किमी परिसरातील सर्व दिशांच्या गावांना तत्काळ मिळतो. घटनेच्या तीव्रतेनुसार कॉल रिसीव्ह होत नाही,तोपर्यंत रिंग वाजत राहील.
संदेश पुढील 1 तास पुन्हा पुन्हा ऐकण्याची सोय. कोणत्याही वेळी आपल्यासाठी संदेश तपासण्याची सोय. चुकीचा संदेश किंवा मिसकॉल देणारे नंबर आपोआप Black List होतात.
गावाबाहेर दुसऱ्या गावात अपघातग्रस्त नागरिकाचा संदेश घटना घडलेल्या परिसरातही प्रसारित होतात. सरकारी कार्यालये/ पोलीस स्टेशन आदींना आपापल्या कार्यक्षेत्रातील सर्व नागरिकांना किंवा विशिष्ट एक किंवा एकापेक्षा जास्त गावांना किंवा कर्मचाऱ्यांना सूचना / आदेश देता येणे शक्य.
