चिपळूणः(धनंजय काळे) – आता बातमी आहे, चिपळुण तालुक्यातील सांस्कृतिक, कला विश्वातील. चिपळूण तालुक्यातील मार्गताम्हाने येथील मार्गताम्हाणे एज्युकेशन सोसायटीच्या वसंतराव भागवत माध्यमिक विद्यालय व कै. सौ कमलाबाई वामन पेठे कनिष्ठ आर्ट्स, कॉमर्स, सायन्स महाविद्यालयाच्या प्रांगणात घडलेला हा पारंपारिक उत्साह, सण,संस्कृती अनेकांच्या स्मारणात राहणारी ठरली. “महोत्सव भारतीय सणांचा, सांस्कृतिक परंपरेचा” या विशेष राहुटी कार्यक्रमाला उत्स्फुर्त प्रतिसाद लाभला. मुलांनी सादर केलेल्या एकापेक्षा एक कलेचे दर्शन येथे पाहावयास मिळाले. प्रत्येक विद्यार्थ्यांने आपल्या कलागुणांंच्या माध्यमातून सर्वांचे लक्ष वेधून घेतले तर परीक्षकांना देखील विचार करायला भाग पाडले.
![]() |
![]() |
येथील मार्गताम्हाणे एज्युकेशन सोसायटीच्या वसंतराव भागवत माध्यमिक विद्यालय व कै. सौ कमलाबाई वामन पेठे कनिष्ठ आर्ट्स, कॉमर्स, सायन्स महाविद्यालयाच्या प्रांगणात कार्यक्रमातून विद्यार्थ्यांनी वेशभूषा, देखावा सादर करून भारतीय पारंपरिक सण व सांस्कृतिक परंपरा यांचे छान दर्शन घडवून आणले. यामध्ये गणेश चतुर्थी, रामनवमी, वटपोर्णिमा, नवरात्र, दीपावली शिमगा, तसेच लोहरी, काली पूजा, छटपूजा, ओणम, पोंगल, वसंत पंचमी यांसारख्या सणांची सादर केलेली रंगतदार झलक डाेळ्यांची पारणे फेडणारी ठरली. सर्व विद्यार्थ्यांनी शेवटपर्यंत उपस्थितांना खिळवून ठेवत, आपल्या भारतीय परंपेरेची संस्कृतीची, आठवण करून दिली. एक भारत मात्र अनेक परंपरा, संस्कृतीने एकजुटीचे दर्शन घडविले.
दरम्यान, कार्यक्रमाचे उद्घाटन चिपळूणचे माजी सभापती जितेंद्र चव्हाण, यांच्या हस्ते व डॉ.तात्यासाहेब नातू वरिष्ठ महाविद्यालय मार्गताम्हानेचे प्राचार्य डॉ. बाळासाहेब यादव तसेच संस्थेचे अध्यक्ष मधुकरराव चव्हाण, प्रशालेचे मुख्याध्यापक व कनिष्ठ महाविद्यालयाचे प्राचार्य भाऊ लकेश्री, पर्यवेक्षक विनोद पवार यांच्या हस्ते व उपाध्यक्ष जयसिंग राव मोरे, सहसचिव शशिकांतजी चव्हाण, खजिनदार यशवंतरावजी चव्हाण, सुधाकर चव्हाण, प्रताप सुर्वे, काटकर मॅडम, यांच्या उपस्थितीत संपन्न झाले.
![]() |
![]() |
या कार्यक्रमाला सर्व विद्यार्थी व पालक उपस्थित होते. कार्यक्रमाचे सूत्रसंचालन सौ वैशाली खरात यांनी आपल्या सुरेल आवाजात केले. खरात यांच्या मंत्रमुग्ध सुत्रसंचालनाने उपस्थितांनी वाहवा केली. परिसरातील शाळांनीही या कार्यक्रमाचा लाभ घेत, तितक्याच ताकदीने प्रतिसाद देत, कलासादर करणाऱ्या विद्याथ्यांचा जाेश वाढविला. ताराराणी ब्रिगेड म. प्रदेश अध्यक्षा शिवमती वंदना मोरे यांनी या कार्यक्रमाला उपस्थिती दर्शवित, शाेभा वाढविली.
यामध्ये पूर्वप्राथमिक १ली ते ४ च्या गटाने राहुटी गणेशोत्सव ही पारंपरिक पद्धतीने सादर केली.पाचवी ते सातवी प्राथमिक गट प्रथम क्रमांक इयत्ता सहावी राहुटी नारळी पौर्णिमा, द्वितीय क्रमांक इयत्ता पाचवी राहूटी रामनवमी, तृतीय क्रमांक इयत्ता सातवी राहुटी वटपौर्णिमा. माध्यमिक गट प्रथम क्रमांक इयत्ता नववी राहुटी दीपावली, द्वितीय क्रमांक विभागून इयत्ता आठवी नवरात्र आणि इयत्ता दहावी शिमगा यांनी प्राप्त केला तर उच्च माध्यमिक गटात प्रथम क्रमांक अकरावी कॉमर्स च्या छटपूजा बिहार या राहुटीला, द्वितीय क्रमांक बारावी सायन्सच्या काली पूजा पश्चिम बंगाल, तृतीय क्रमांक बारावी कॉमर्स ओणम केरळ यानी प्राप्त केला तर उत्तेजनार्थ म्हणून अकरावी आर्ट्स च्या लोहरी पंजाब, अकरावी सायन्स पोंगल तामिळनाडू व बारावी आर्ट्स च्या वसंत पंचमी हरियाणा यांनी प्राप्त केला.
या कार्यक्रमासाठी परीक्षक म्हणून श्री धनावडे सर, राष्ट्रपाल सावंत सर, सौ. नेहा सोमण, सौ. मेघना चितळे यांनी काम पाहिले.
|
![]() |