क्षयरोगाचे समूळ उच्चाटन करुन जिल्ह्यात क्षयरोग विजय दिवस साजरा होण्यासाठी प्रयत्न करुया मुख्य कार्यकारी अधिकारी संजयसिंह चव्हाण
कोल्हापूर : कोल्हापूर जिल्ह्यातून क्षयरोगाचे समूळ उच्चाटन करुन 24 मार्च हा दिवस क्षयरोग विजय दिवस म्हणून साजरा होण्यासाठी सर्वजण मिळून प्रयत्न करुया, असे आवाहन कोल्हापूर जिल्हा परिषदेचे मुख्य कार्यकारी अधिकारी संजयसिंह चव्हाण यांनी केले. जागतिक क्षयरोग दिनानिमित्त शाहू स्मारक भवन येथील कार्यक्रमात ते बोलत होते. यावेळी प्रख्यात मधुमेह तज्ज्ञ तथा सामाजिक कार्यकर्ते डॉ. चंद्रकांत कणसे, डॉ. सरस्वती कणसे, जिल्हा क्षयरोग अधिकारी डॉ. उषादेवी कुंभार, प्रभारी जिल्हा शल्यचिकित्सक डॉ. एस. बी. थोरात, अतिरिक्त जिल्हा आरोग्य अधिकारी डॉ. संजय राजवीर, शासकीय वैद्यकीय महाविद्यालयाच्या टीबी ऍण्ड चेस्ट विभाग प्रमुख डॉ.अनिता सैब्बनावार, माहिती अधिकारी वृषाली पाटील, डॉ.मानसी कदम, डॉ. विनायक भोई, डॉ. मोहन पोतदार, दीपा शिपुरकर, डॉ. नितीन कुंभार तसेच अन्य मान्यवर उपस्थित होते.
सन 2019 च्या पूरपरिस्थितीत डॉ. कणसे यांनी केलेल्या मदत कार्याबद्दल त्यांना श्री चव्हाण यांच्या हस्ते सन्मानचिन्ह देऊन सपत्नीक गौरव करण्यात आला. क्षयरोग निर्मूलनात उत्कृष्ट काम करणाऱ्या संस्था, क्षयरोग पथक टी.यु. (तालुका युनिट) राधानगरी – प्रथम क्रमांक, टी.यु.गारगोटी – द्वितीय क्रमांक, टी.यु.गगनबावडा – तृतीय क्रमांक, उत्कृष्ट ग्रामीण रुग्णालय – मलकापूर, उत्कृष्ट प्राथमिक आरोग्य केंद्र – तारळे, क्षयरोग निर्मुलन प्रीमियम लीग – २०२३ विजेता – कोल्हापूर ग्रामीण, उत्कृष्ट खाजगी वैद्यकिय व्यावसायिक – कुरडे चिल्ड्रन्स हॉस्पिटल- प्रथम क्रमांक जयसिंगपूर, श्री. स्वामी समर्थ हॉस्पीटल, इचलकरंजी – द्वितीय क्रमांक, चौधरी हॉस्पिटल, जयसिंगपूर – तृतीय क्रमांक, उत्कृष्ट खाजगी औषध विक्रते (व्यावसायिक) महादेव मेडिकल इचलकरंजी, क्षयरोग जनजागृतीपर आशा स्वयंसेविका वक्तृत्व स्पर्धा -२०२३ अनुराधा रणधीर ढेरे, प्रा. आ. केंद्र कडगाव (ता.भुदरगड)- प्रथम क्रमांक, सीमा शरद पाटील, प्रा. आ. केंद्र घालवाड (ता.शिरोळ)- द्वितीय क्रमांक, भाग्यश्री हरीश कांबळे प्रा. आ. केंद्र हेर्ले – तृतीय क्रमांक, क्षयरोग जनजागृतीपर आरोग्य कर्मचारी यांच्या म्हणी व घोषवाक्य स्पर्धा-२०२३ एस. आर. कांबळे (एम.पी.डब्लू.) प्रा. आ. केंद्र शिरोली पुलाची – प्रथम क्रमांक, मनीषा शंकर कुंभार (ए.एन.एम.), पुशिरे प्रा. आ. केंद्र पडळ -द्वितीय क्रमांक, संदीप मनोहर सरंजामे (एम.पी.डब्लू.), शेड्शाळ, प्रा. आ. केंद्र. नृसिंहवाडी – तृतीय क्रमांक, समुदाय आरोग्य अधिकारी (सी.एच.ओ.) यांची “क्षयरोग जनजागृतीपर पोस्टर स्पर्धा”-२०२३ सपना माने – यळगुड प्रा. आ. केंद्र हुपरी- प्रथम क्रमांक. डॉ. विनिता जाधव – कसबा बीड, प्रा. आ. केंद्र माळ्याची शिरोली – द्वितीय क्रमांक. डॉ. निकिता मोहोले – करंबळी प्रा. आ. केंद्र.-कडगाव – तृतीय क्रमांक, रोहन भावके – वेतवडे प्रा. आ. केंद्र. कळे – तृतीय क्रमांक (विभागून) यांना मान्यवरांच्या हस्ते सन्मानचिन्ह व सन्मानपत्र देवून गौरविण्यात आले.
मुख्य कार्यकारी अधिकारी चव्हाण म्हणाले, क्षयरुग्णांना मदत करण्यासाठी समाजातील दानशूर व्यक्ती, संस्थांनी निक्षय मित्र बनण्यासाठी पुढे यावे. समाजात विविध घटकांनी समाजातील इतर खर्च वाचवून निक्षय मित्र बनून रुग्णांना मदत करावी. क्षयरोग लपवून ठेवणे हा सुध्दा एक गुन्हा असून वेळीच तपासणी करुन मोफत उपचार घ्यावा.
प्रमुख पाहुणे डॉ. चंद्रकांत कणसे म्हणाले, क्षयरुग्णांची रोगप्रतिकारक क्षमता वाढण्यासाठीचा आहार द्यायला हवा. क्षयरुग्णांनी भरपूर सूर्यप्रकाश घ्यावा. दररोजच्या आहारात प्रोटीनचा समावेश करावा. यात अंडी, पनीर, म्हैशीचे किंवा गायीचे दूध, ताक यांचा अधिक वापर करा. साखरेचे प्रमाण कमी करा, असा सल्ला डॉ. कणसे यांनी दिला.
जिल्हा क्षयरोग आधिकारी डॉ . उषा कुंभार प्रास्ताविकात म्हणाल्या, महान शास्त्रज्ञ डॉ. रॉबर्ट कॉक यांनी २४ मार्च १९८२ मध्ये बर्लिन विदयापीठात क्षयरोग टिबीसाठी कारणीभूत मायकोबॅक्टिरियम ट्युबरक्युलोसिस जीवाणू शोधून काढला व त्याची माहिती लोकांसमोर जाहीर केली. या शोधामुळे क्षयरोगाचे निदान आणि उपचार करण्यासाठीचा मार्ग सोपा झाला. त्यामुळे २४ मार्च हा दिवस जागतिक क्षययरोग दिन साजरा केला जातो. २०१५ मध्ये एक लाख लोकसंख्यमागे कोल्हापूर ग्रामीण मध्ये ८६ केसेस होत्या. त्या २०२५ मध्ये ४२ पर्यंत कमी करण्याचा उद्देश आहे. तर २०१५ मध्ये ४.२ मृत्युदर होता, तो आता एक लाख लोकसंख्येमागे 3 इतका कमी झाला आहे. टी.पी.टी. एकुण इग्रा टेस्ट – १३४ एकुण इग्रा पॉझिटिव्ह – १२ (टी.पी.टी. साठी पात्र) एकुण निक्षय मित्र – ११० व एकुण जोडलेले पेशंट – ८४३ आहेत. यावर्षीची थीम – “होय! आपण टी.बी.संपवू शकतो” ही आहे. २०२२ मध्ये शासकीय १९७७ तर खासगी रुग्णालयात ७२३ असे एकुण २ हजार ९७९ रुग्णांची नोंद झाली आहे, अशी माहिती डॉ. उषा कुंभार यांनी दिली. सुरुवातीला डॉ.अनिता सैबन्नावर यांनी उपस्थितांना क्षयरोग जनजागृतीपर शपथ दिली. नयना सावंत व ज्ञानदेव सावंत यांनी सूत्रसंचालन केले. डॉ. भोई यांनी आभार मानले.