कोल्हापुरातील शैक्षणिक संस्थांच्या सदिच्छा भेटींमधून कौस्तुभ गावडे यांचा शिक्षकांशी संवाद कोल्हापूरTEAM WATCH : पुणे विभाग शिक्षक मतदारसंघाच्या निवडणुकीच्या पार्श्वभूमीवर शिक्षक मित्र श्री. कौस्तुभ मुरलीधर गावडे यांनी कोल्हापूर शहरातील विविध शैक्षणिक संस्थांना सदिच्छा भेटी देत प्राचार्य, प्राध्यापक, मुख्याध्यापक आणि शिक्षकांशी संवाद साधला. या भेटींच्या माध्यमातून शिक्षकांचे प्रलंबित प्रश्न, शैक्षणिक क्षेत्रातील सद्यस्थिती, शिक्षणाच्या गुणवत्तावाढीसाठी आवश्यक उपाययोजना आणि भविष्यातील आव्हाने यांवर विचारविनिमय करण्यात आला. यावेळी कौस्तुभ गावडे यांनी आमची NGO.. आपला CSR FUND.. तर चला करूया सामाजिक कार्य...
कोल्हापूर मधील प्रचार दौऱ्यात महावीर महाविद्यालय (स्वायत्त), नेहरू हायस्कूल व ज्युनिअर कॉलेज, गोपाळ कृष्ण गोखले कॉलेज आणि श्री शहाजी छत्रपती महाविद्यालय या शैक्षणिक संस्थांना भेट देण्यात आली. प्रत्येक ठिकाणी शैक्षणिक क्षेत्रातील मान्यवरांनी आपुलकीने स्वागत करत विविध विषयांवर संवाद साधला.
महावीर महाविद्यालय येथे प्राचार्य डॉ. ए. डी. जोशी, दादासाहेब मगदूम हायस्कूलचे मुख्याध्यापक श्री. बसवराज वस्त्रद आणि कला शाखेचे अधिष्ठाता डॉ. गोमटेश पाटील यांच्यासह शिक्षक व प्राध्यापकवृंद उपस्थित होते. नेहरू हायस्कूल व ज्युनिअर कॉलेज येथे दि मोहमेडन एज्युकेशन सोसायटीचे तसेच मुस्लिम बोर्डिंगचे चेअरमन मा. श्री. गनी आजरेकर, स्कूल कमिटीचे चेअरमन मा. श्री. रफीक शेख आणि मुख्याध्यापक काजे सर यांच्याशी शैक्षणिक प्रश्नांवर चर्चा झाली. गोपाळ कृष्ण गोखले कॉलेज येथे चेअरमन डॉ. मंजिरी अजित मोरे-देसाई, पेट्रन कौन्सिलचे मा. श्री. दौलत देसाई, सेक्रेटरी प्रा. जयकुमार देसाई, प्राचार्य डॉ. आर. बी. भुयेकर, उपप्राचार्य वाय. डी. पाटील, प्रा. पी. बी. झावरे आणि प्रा. आनंद मेणसे यांची उपस्थिती होती. यावेळी शिक्षकांच्या प्रश्नांना सक्षम व्यासपीठ मिळवून देणे आणि शैक्षणिक क्षेत्राच्या सर्वांगीण विकासासाठी आवश्यक असलेल्या प्रयत्नांबाबत चर्चा करण्यात आली.
|
कोल्हापुरातील शैक्षणिक संस्थांच्या सदिच्छा भेटींमधून कौस्तुभ गावडे यांचा शिक्षकांशी संवाद
पाँझिटीव्ह वाँचचे सभासद व्हा. शासन मित्र, पाेलीस मित्र, पत्रकार मित्र बना.
