CRIME- BANK FRAUD नावे उघडकीस…. भ्रष्टाचाऱ्यांना घाम फुटेल इतका बँकेत गैरप्रकार; लक्ष आयुक्तांच्या निर्णयाकडे! सावध; तुमच्याही परिसरात अशा बँका असू शकतात!
CRIME- BANK FRAUD नावे उघडकीस…. भ्रष्टाचाऱ्यांना घाम फुटेल इतका बँकेत गैरप्रकार; लक्ष आयुक्तांच्या निर्णयाकडे! सावध; तुमच्याही परिसरात अशा बँका असू शकतात!
पाँझिटीव्ह वाँचचे सभासद व्हा. शासन मित्र, पाेलीस मित्र, पत्रकार मित्र बना.
भ्रष्टाचा-यांना घाम फुटेल ऐवढे दि शिरपुर मर्चंटस् को-ऑप बँकेचे गैरप्रकार ,अंतरिम ऑडिट अहवालात अनेक तथाकथित बडेजाव मिरवणा-यांची नांवे उघडकीस दोष दुरुस्ती अहवाल डीडीआर कडे दशकांपासून सादर केलेला नाही. आतापर्यंत सहकार विभाग आणि अंतरिम लेखापरीक्षक काय करत होते? लेखापरीक्षक सह सर्व दोषींवर तात्काळ कायदेशीर कारवाई करावी — तक्रारदार ‘मर्चंट बँक बचाव समिती’ चा सवाल आहे.
धुळे (विशेष प्रतिनिधी):- जिल्यातील प्रमुख व्यापारीपेठ असलेल्या शिरपुर शहरातील 77 वर्षे जुनी शिरपूर मर्चंट्स को-ऑप बँक सध्या 77% एनपीएसह गेल्या तीन वर्षांपासून खालचा दर्जा ‘क’ प्राप्त करत आहे आणि तिचा आर्थिक आलेख सतत घसरत आहे. याला जबाबदार असलेल्या चेअरमन आणि मॅनेजरचे गैरप्रकारांसंबंधी अनेक प्रकरणे जागृत सभासदांतर्फे पुराव्यानिशी चव्हाट्यावर आणले आहेत. या संदर्भात अधिकृत तपशीलवार नांवानिशी यादीच या प्रतिनिधीकडे उपलब्ध आहे.अनेक गंभीर स्वरूपाची सर्व प्रकरणे समोर येतील. या बँकेसंबंधीचे तक्रारदार सभासद गोपाल के.मारवाडी, मोहन साहेबराव पाटील, ओंकार आबा जाधव, भरत बी.रोकडे ,हिरालाल कोळी सह जागृत सभासदांच्या तक्रारीवरून मा.सहकार आयुक्त, सहकारी संस्था, पुणे यांनी विद्यमान चेअरमन विरुद्ध त्वरीत चौकशी करून तात्काळ कार्रवाई करण्याचे आदेश निर्गमित केले आहेत. येत्या मंगळवारी सुनावणी येत्या आठवड्यात मंगळवार, 10 ऑक्टोबर रोजी जिल्हा उपनिबंधक मनोज चौधरी यांच्याकडे सुनावणी होणार आहे.
या संदर्भात सर्व तक्रारदारांना कळविण्यात आले असून, त्यांना हजर राहण्याचे पत्रही प्राप्त झाले आहे. दि शिरपूर मर्चंट्स को-ऑप बँकेचे अध्यक्ष प्रसन्न जैन यांनी जुलै 2023 मध्ये त्यांच्या मोठ्या भावाला 30 लाख रुपयांचे बेकायदेशीर आणि पूर्णपणे बेकायदेशीर कर्ज वाटप केले आहे हे येथे उल्लेखनीय आहे. चेअरमन दोषी आढळून येताच अध्यक्षांना अपात्र घोषित करून संबंधित सर्व व्यक्तींवर तात्काळ कायदेशीर कारवाई करावी, अशी जोरदार मागणी तक्रारदार सभासद व इतर अनेक भागधारकांकडून करण्यात आली आहे. मा.सहकार आयुक्त सो पुणे यांनीही तसेच आदेश दिले आहेत.जिल्हा उपनिबंधक मनोज चौधरी हे चेयरमन व संबंधितांवर काय कार्रवाई करणार हे मंगळवारी स्पष्ट होणार असून, आता संपूर्ण तालुक्यातच नव्हे तर जिल्ह्यांत सहकार क्षेत्रात खळबळ माजवणाऱ्या या प्रकरणाकडे सर्वांच्या नजरा लागल्या आहेत. नवगठित ‘शिरपूर मर्चंट्स बँक बचाव समिती’ द्वारा आवाहन केलेले आहे की शिरपुर मर्चंटस को-ऑप बँकेच्या व्यवस्थापनाबाबत किंवा अंतर्गत कामकाजाबाबत किंवा गैरप्रकारांसंबंधी कोणतीही माहिती किंवा तक्रारी ज्या सदस्यांना द्यायची असेल कृपया आमच्याशी त्वरित संपर्क साधावा. जेणेकरून आणखी अप्रकाशित नियमबाह्य क़र्ज़ खैराती ची प्रकरणे उजेडात येतील. आणि या लाभार्थ्यांना चाप बसेल.
बेकायदेशीर आणि अवैध, नियमबाह्य असुरक्षित लाखोंचे कर्ज वाटप करण्यात या बँकेचे चेअरमन आणि व्यवस्थापनाचा नवा रेकॉर्ड स्थापित होण्याची शक्यता आहे. त्यांत भर म्हणून गेल्या आठ-दहा वर्षांच्या लेखापरीक्षण अहवालात त्याचे गंभीर गैरप्रकारांचे मुद्दे दडलेले आहेत. बँकेचे एक जागरूक सदस्य आणि दि शिरपुर मर्चंटस को-ऑप बँक बचाव समितीचे हर्षल ए.अग्रवाल यांनी आज बँक व्यवस्थापनाला एक अर्ज दिला आहे कि, कोट्यावधी रुपयांची अवैध विनातारणी कर्ज वितरण या बँकेने केलेले आहे. आणि आता हे प्रकरण मीडियात उघड झाल्यानंतर संबंधितांमध्ये खळबळ उडाली आहे.तरीही आता बँक व्यवस्थापनाने आणखी या गैरप्रकार करणा-या लाभार्थ्यांना आणखीन मुदत देऊन कर्ज एकरकमी भरण्याच्या नांवाखाली लाखों रुपयांचे व्याजही माफ का करावे?अशी जोरदार चर्चा सभासदांमध्ये सुरू आहे. त्यामुळे तक्रारदार हर्षल अग्रवाल यांनी आज या बँकेच्या व्यवस्थापनाला पत्र लिहून रिझर्व्ह बँकेचे कायदे आणि सहकारी बँकांच्या उपविधीनुसार सदरच्या लाखों रुपयांचे अनेक विनातारणी बेकायदेशीर व अवैध कर्ज प्रकरणात आम्ही जागृत सभासद कोणतीही सूट दिलेली खपवून घेणार नाही,असे त्यांनी अर्जात म्हटले आहे.
बँकेचे एक सभासद राकेश रमेश धाकड च्या नियमबाह्य व पूर्णतः अवैध कर्ज प्रकरणात कोणतेही आवश्यक कागदपत्रे म्हणजे शाप ॲक्ट लायसेन्स, आयटी रिटर्न किंवा कोणत्याही प्रकारची तारणयोग्य स्थावर मालमत्ता तारण न घेता सुमारे अर्धा कोटी (पन्नास लाख) रुपयांचे कर्ज असेच खैराती प्रमाणे वाटप करण्यात आल्याचे स्पष्ट झाले आहे. विश्वसनीय सूत्रांनी दिलेल्या माहितीनुसार, एवढ्या मोठ्या कर्ज प्रकरणात कर्जदाराची क्षमता लक्षात घेऊन कर्ज देणे अपेक्षित असते. तरीही या कर्जप्रकरणात या बँकेचे अध्यक्ष आणि बँक व्यवस्थापन काय झोपा काढत होते? अश्या प्रकारच्या कर्जांतील रकमेचा वापर कदाचित हवाला,दोन नंबरचे धंदे, बेनामी मालमत्ता खरेदी किंवा अन्य कोणत्याही अवैध धंद्यासाठीही केला गेला असल्याची शक्यता नाकारता येत नाही.त्या संदर्भातही सखोल चौकशी करण्यात यावी,अन्यथा आर्थिक गुन्हे शाखेकडे तक्रार नोंदविण्यात येईल असा इशारा ही जागृत तक्रारदार सभासद हर्षल ए. अग्रवाल यांनी आपल्या अर्जात म्हटले आहे.
तसेच मागील दहा वर्षांत ज्या अंतरिम लेखापरीक्षकांनी (सीए नी) फक्त लेखापरीक्षण करुन दरवर्षीचे अत्यावश्यक दोष दुरुस्ती अहवाल बँकेकडून मागितले नाहीत. त्या सर्व सीए म्हणजे अंतरिम लेखापरीक्षक 1) श्री. राहुल पी.मुंदडा ,धुळे 2) श्री. जे.जे. अग्रवाल , धुळे 3) श्री. पवन आर. अग्रवाल, धुळे वगैरे सीए आणि कंपनीवरही सहकार विभागाने तातडीने गुन्हे दाखल करावे. यांनी आपल्या लेखापरीक्षणांत या लाभार्थ्यांची खोलवर चौकशी करून तात्काळ कायदेशीर कारवाईची मागणी का केली नाही.उलट ही अशी गंभीर स्वरूपाची प्रकरणे ज्या मध्ये कोणतेही तारण न घेता अशा असुरक्षित, पूर्णपणे बेकायदेशीर कर्ज वितरणाच्या लाभार्थ्यांची मोठी यादीच तयार होईल एवढी मोठी ही संख्या आहे.तिला अभय देण्यात यांचा काय हेतू होता? हे सर्वसामान्य सभासदांना चौकशी अंती कळलेच पाहिजे. बँकेच्या सर्वसाधारण सभासदांनी आता संपूर्ण भ्रष्टाचाराविरुद्ध दंड थोपटले असून सर्व माहिती उघड करण्याची मागणी केली आहे. किंबहुना हा या बँकेच्या सर्व सभासदांचा हक्कच आहे. लवकरच ही गैरप्रकार करणा-या लाभार्थ्यांची यादी जाहीर केली जाणार आहे. मोठ्या प्रमाणात अशी अनेक गंभीर स्वरूपाची प्रकरणे उजेडात येतील.म्हणून यांतील भ्रष्टाचा-यांना आधीच घाम फुटला आहे व झोप उडालेली आहे. यासंदर्भात सविस्तर माहिती पुराव्यानिशी लवकरच प्रकाशित करण्यात येईल.
या बातमी संदर्भातील हा विशेष लेख देखील खूप वाचला गेला.. तुम्हीही वाचा सविस्तर
पाँझिटीव्ह वाँच युथ असाेशिएन: पाेलीस मित्र, शासन मित्र, पत्रकार मित्र व समाज मित्र चे सभासद व्हा. बारमाही सवलत..आमच्या लाेकप्रिय पाँझिटीव्ह वाँच न्यूज पाेर्टलवर अल्पदरात छाेटी व माेठी जाहिरात द्या.
