अयोध्येतील प्रभू श्रीराम मंदिर प्राणप्रतिष्ठा महोत्सवानिमित्त विविध कार्यक्रमांच्या भव्य आयोजनासाठी बैठक…
शिरपूर (गोपाल के. मारवाडी) – तब्बल ५०० वर्षांच्या प्रतिक्षेनंतर अयोध्या येथील भव्य श्रीराम मंदिराच्या उद्घाटन व प्राणप्रतिष्ठा सोहळ्यानिमित्त संपूर्ण भारतभर कोणत्याही पक्षीय राजकारण आणि कोणत्याही जातीभेदाशिवाय हा उत्सव साजरा झाला पाहिजे. हिंदूंनी संघटित राहणे ही काळाची गरज आहे. प्रत्येक धार्मिक सणाच्या अनोख्या आणि भव्य उत्सवांच्या यशस्वी आयोजनासाठी शिरपूरचे नाव भारतभर नेहमीच प्रसिद्ध झाले आहे. सर्व हिंदू धार्मिक संघटना, सर्व पक्षीय पदाधिकारी आणि सर्व श्रीराम भक्तांची एक बैठक अतिशय उत्साही वातावरणात संपन्न झाली. या बैठकीला सर्वांचा चांगला प्रतिसाद लाभल्याने तीन दिवसीय कार्यक्रमाचे आयोजन करण्याचे ठरले व येत्या १० किंवा ११ जानेवारी रोजी संतांची भव्य मिरवणूक काढण्याचे ठरले. आणि 1992 च्या अयोध्या येथील राममंदिर आंदोलनात सहभागी असलेले कारसेवक किंवा त्यांचे वारस हयात असतील तर शहरातील प्रमुख मार्गावरून रॅली काढण्याचे ठरले. 20, 21 आणि 22 जानेवारीच्या कार्यक्रमाबाबत खेळीमेळीच्या वातावरणात व्यापक चर्चा झाली.
तसेच पुढील संपूर्ण नियोजनासाठी आज पुन्हा शुक्रवार 5 जानेवारी रोजी सायंकाळी शहरातील श्रीपाताळेश्वर महादेव मंदिर गॅलरीत महत्वाची बैठक आयोजित करण्यात आली आहे. भाजपचे नगरसेवक व जेष्ठ नेते मनुदादा पाटील व भाजपचे माजी शहराध्यक्ष तथा नगरसेवक हेमंत पाटील यांनी चर्चा दरम्यान भंडारा महाप्रसाद,अन्नदानाची संपूर्ण व्यवस्था पाटीलवाडा मित्र मंडळ करणार असल्याचे जाहीर केले. उपस्थित सर्वांनी या घोषणेचे टाळ्यांच्या जोरदार गडगडाटासह स्वागत केले. इस्कॉन मंदिर शिरपूर ने देखील एक मोठा कार्यक्रम आयोजित करण्याची तयारी केली आहे. शहरातील कृष्णकला अकॅडमी ने रॅलीमध्ये प्रभु श्रीराम, लक्ष्मण यांच्या सजीव देखाव्यासह संगीत नृत्यमय रामायण सादर करण्याचे सांगितले महंत सतीशदासजी भोंगे व वरचे गावचे रहिवासी मिहीर शुक्ला व इतरांनी घरोघरी जाऊन अक्षत, हँडबिल व निमंत्रण पत्रिका वाटपासाठी वर्गणीची रक्कम जाहीर केली. या बैठकीत युवा नेते हेमंतभाऊ पाटील, हेमंत राजपूत, रोहित शेटे, अधिवक्ता महेश वाघ, लक्ष्मीकांत जोशी, शिवप्रतिष्ठानचे विशाल अग्रवाल, चेतन सोनार, बजरंग दलाचे विशाल सोनार, भाजपकडून रवींद्र भोई, बोराडी मंडलातून लक्ष्मण गोपाळ, शिवसेना उपनेते आ. प्रमुख भरत सिंह.राजपूत, भारतीय किसान संघाचे विशाल वाणी, हिंदुस्थान प्रतिष्ठानचे विकास माळी, भारतीय पत्रकार संघाचे प्रदेश उपाध्यक्ष व दैनिक भास्कर चे धुळे जिल्हा ब्यूरो चीफ गोपाल मारवाडी, श्री खंडेराव मंदिर संस्थानचे अध्यक्ष कैलास धाकड, उपाध्यक्ष संजय आसापुरे, आरएसएसचे बाविस्कर सर, विश्व हिंदू परिषदेचे सुनील चौधरी, रा.स्व. बारी, गोटू सोनवणे, वकील.संघाचे अधिवक्ता महेश जोशी, डॉक्टर्स असोसिएशनचे डॉ. किशोर राठी, डॉ.मिलिंद गुजराथी, गायत्री मंदिर ट्रस्टचे सुनील खैरनार, शिवसेनेचे मनोज धनगर व उपस्थित दोनशेहून अधिक तरुण रामभक्तांनी भव्य दिव्य कार्यक्रमाच्या आयोजनासाठी बहुमूल्य सूचना दिल्या. तसेच बैठकीत अनेकदा जय श्रीराम,जय हनुमान अश्या घोषणांनी बैठक हॉल दुमदुमून गेला.
यावेळी शिरपूर शहरातील सर्व रस्त्यांवर रांगोळी काढणे, दोन्ही बाजूला झेंडे लावणे, रामरक्षा स्तोत्र, हनुमान चालीसाचे पठण, रामरक्षा स्तोत्र व हनुमान चालीसा ग्रंथ घरोघरी वाटप करण्याचे ठरविण्यात आले. विशेष टी-शर्ट व मफलर आदि साठी ऑर्डर नोंदवावी असेही आवाहन करण्यात आले. रॅलीसाठी भजन-कीर्तन मंडळाकडून कार्यक्रमात सहभागी होण्यासाठी व शिरपूर येथील सर्वच रामभक्तांना योग्य संधी उपलब्ध करून देण्यासाठी सूचना व प्रस्ताव मागविण्यात आले होते. शहरातील प्रत्येक भागातील सर्व मित्रमंडळ व संघटनांनी आपल्या पदाधिका-यांची नांवे लिहावे प्रमुख समन्वयक ॲड. सुहासदादा वैद्य आणि टीमला त्वरित देण्याचे आवाहन करण्यात आले. शहरातील सर्व मंदिर परिसरात श्रीराममय वातावरण निर्माण व्हावे, यासाठी लोकांनी यात उत्स्फूर्त सहभाग घ्यावा, असे आवाहनही या बैठकीत करण्यात आले.याबाबत नगरपालिका व शिक्षण संस्था प्रमुखांना या दिवशी शाळांना सुट्टी जाहीर करा असे निवेदन देण्याचे ठरले. रॅलीत महिला व शालेय विद्यार्थी-विद्यार्थिनी मोठ्या संख्येने सहभागी होतील यासाठी नियोजन करण्याचे आवाहन करण्यात आले. शेवटीसर्व उपस्थितांचे आभार मानून बैठकीची सांगता करण्यात आली.
