 |
| मुंबई – जीवनाधार फाऊण्डेशनने सामाजिक क्षेत्रात फारच महत्वपूर्ण काम केले असून मुंबै महोत्सवाच्या माध्यमातून मुंबईचा नावलौकिक वाढवणार्‍या व्यक्तींचा सन्मान करुन त्या निमित्ताने समाजाचे ऋण व्यक्त करण्याचा त्यांचा प्रयत्न फारच गौरवास्पद आहे, असे प्रतिपादन खा. अरविंद सावंत यांनी केले.
३१ डिसेंबर ते ४ जानेवारी या कालावधीत जीवनाधार फाऊण्डेशनच्या वतीने होणार्‍या ७ व्या ‘मुंबै महोत्सवा’च्या वेबसाईटचे अनावरण खा. सावंत यांच्या हस्ते करण्यात आले. जीवनाधार फाऊण्डेशनचे अध्यक्ष राजेश खाडे, सचिव अनिता खाडे, रंगकर्मी व मुंबै महोत्सवाचे क्रिएटीव्ह हेड श्रीनिवास नार्वेकर, नाट्यनिर्मात्या व समाजमाध्यम समन्वयक सुप्रिया चव्हाण, हेमंत वीर उपस्थित होते.
या वर्षी २ ते ४ जानेवारी या कालावधीत होणार्‍या पुरस्कार वितरण कार्यक्रमांव्यतिरिक्त ‘मुंबै सायक्लोथॉन’ ही पर्यावरणपूरक सायकल रॅली होणार आहे. ‘आगळावेगळा जोडी विशेष मराठमोळा पारंपरिक फॅशन शो’ हे या महोत्सवाचे वैशिष्ट्य आहे. ४१ वाद्ये आणि ४२ कलाकारांचा सामावेश असलेला ‘नाद’ हा फ्युजन बॅण्ड, लावणी कलाप्रकारातल्या बदलत्या भाषेचा आढावा घेणारा ‘ये लावणीचे बोल कौतुके’ आणि मराठमोळा ‘मराठी पाऊल पडते पुढे’ या वेगळ्या सांस्कृतिक कार्यक्रमांचा यामध्ये सामावेश आहे. ‘मुंबै महोत्सवा’मध्ये होणार्‍या सायक्लोथॉन व फॅशन शोबद्दल अधिक माहिती www.mumbaimahotsav.com या वेबसाईटवर मिळेल, असे आयोजकांनी म्हटले आहे. |
| VIDEO पाहण्यासाठी निळी लिंक करा. https://youtu.be/fH-h5AfQYnY
|
GOOD NEWS मुंबै महोत्सवा’च्या वेबसाईटचे अनावरण जीवनाधारचे सामाजिक कार्य गौरवास्पद: खा. सावंत
पाँझिटीव्ह वाँचचे सभासद व्हा. शासन मित्र, पाेलीस मित्र, पत्रकार मित्र बना.
