*मागासवर्गीय विद्यार्थ्यांनी जात वैधता प्रमाणपत्रासाठी ऑनलाइन अर्ज भरावा*
कोल्हापूर : सन २०२४-२५ या चालू शैक्षणिक वर्षात इयत्ता १२ वी विज्ञान शाखेत प्रवेशित असणाऱ्या तसेच पदविका अभ्यासक्रम पूर्ण करुन पदवीसाठी व्यावसायिक अभ्यासक्रम प्रक्रिये अंतर्गत विद्यार्थ्यांचे शैक्षणिक प्रवेश प्रक्रियेच्या माध्यमातून आरक्षित जागेवर प्रवेश घेऊ इच्छिणाऱ्या मागासवर्गीय विद्यार्थ्यांनी जात वैधता प्रमाणपत्र मिळण्यासाठी bartievaldity.maharashta.gov.in या संकेतस्थळावर विहीत नमुन्यातील ऑनलाईन अर्ज भरावा, असे आवाहन जिल्हा जात प्रमाणपत्र पडताळणी समितीचे उपायुक्त तथा सदस्य उमेश घुले यांनी केले आहे.
व्यावसायिक अभ्यासक्रमासाठी राज्य सामाईक प्रवेश परीक्षा (CET) Common Entrance Test. Joint Entrance Examination (JEE), National Eligibility Cum Entrance Test (NEET), Graduate Aptitude Test in Engineering (GATE) National Aptitude Test in Architecture (NATA) ज्या अर्जदारांनी समितीकडे अर्ज सादर केलेले आहे व ज्यांना त्रुटी बाबत ई-मेल द्वारे किंवा पत्राद्वारे कळविण्यात आलेले आहे. अशा अर्जदारांनी समिती कार्यालयात सर्व मुळ कागदपत्रांसह / मानिव दिनांकाच्या पुराव्यांसह उपस्थित रहावे,असे आवाहनही उमेश घुले यांनी केला आहे.
