डी. वाय. पाटील अभिमत विद्यापीठाला ३४ वे पेटंट…

पाँझिटीव्ह वाँचचे सभासद व्हा. शासन मित्र, पाेलीस मित्र, पत्रकार मित्र बना.

‘ऊर्जा संचयन’साठी संशोधनाला पेटंट जाहीर…

कोल्हापूर – डी. वाय. पाटील अभिमत विद्यापीठाच्या सेंटर फॉर इंटरडिसिप्लिनरी रिसर्च विभागाच्या संशोधकांनी ‘ऊर्जा संचयन’साठी संशोधीत केलेल्या ‘अ मेथड ऑफ सिंथेसाय्झिंग कॉम्पोझीट ऑफ रेडुस्ड ग्राफिन ऑक्साईड अँड निकेल टंगस्टेट फॉर एनर्जी स्टोरेज’ या संशोधनाला पेटंट जाहीर झाले आले. विद्यापीठाला मिळालेले हे ३४ वे पेटंट आहे.

रिसर्च डायरेक्टर प्रा. डॉ. सी. डी. लोखंडे यांच्या मार्गदर्शनाखाली हे संशोधन करण्यात आले. पुढील २० वर्षासाठी हे संशोधन डी. वाय. पाटील अभिमत विद्यापीठाच्या नावे पेटंट स्वरूपात संरक्षित केले जाईल. सदर पद्धतीमध्ये उच्च विद्युत चालकता, उत्कृष्ठ यांत्रिक सामर्थ्य, रासायनीक स्थिरता व उच्च विशिष्ठ पृष्ठभाग असतो. त्यामुळे इतर पदार्थासह परस्पर संवादासाठी एक मोठे सक्रीय क्षेत्र प्रदान केले जाते. सेन्सर्स, संमिश्र उर्जा संचयन आणि इलेक्ट्रोनिक उपकरणासह विविध क्षेत्रात ही पद्धती उपयुक्त ठरू शकते.

या संशोधनामध्ये मुख्य संशोधक प्रा. डॉ. सी. डी. लोखंडे व यांच्यासमवेत संशोधक विद्यार्थी दिलीप पाटील, डॉ. धनाजी मालवेकर, संभाजी खोत आणि रणजित निकम यांचा सहभाग होता. पेटंट मिळवण्यासाठी परिश्रम घेणाऱ्या सर्व संशोधकांचे कुलपती डॉ. संजय डी. पाटील, संस्थेचे उपाध्यक्ष आमदार सतेज डी. पाटील, विश्वस्त आमदार ऋतुराज पाटील, विश्वस्त पृथ्वीराज पाटील, कुलगुरू डॉ. राकेश कुमार मुदगल आणि कुलसचिव डॉ. व्ही. व्ही. भोसले यांनी अभिनंदन केले.

Started a new company? Let us help you build a strong HR foundation—contact us for professional HR development, policies, processes, and people management solutions.

पाँझिटीव्ह वाँच युथ असाेशिएन: पाेलीस मित्र, शासन मित्र, पत्रकार मित्र व समाज मित्र चे सभासद व्हा. आता नवरात्राेत्सव आला जवळ... आपली जाहिरात द्या.. प्रतिसाद मिळवा.