गुढीपाडव्याच्या मुहूर्तावर कोल्हापूरकरांची नवी कार, नवा फॅन्सी नंबर – ‘जगात भारी, कोल्हापुरी!’
*कोल्हापूर :शेखर धोंगडे.*
गुढीपाडवा म्हणजे नवा संकल्प, नवा शुभारंभ! आणि कोल्हापूरकरांसाठी नवीन गाडी खरेदी करण्याचा हा सुवर्णमुहूर्त! यंदाच्या गुढीपाडव्याच्या पार्श्वभूमीवर कोल्हापूर आणि इचलकरंजीतील वाहन नोंदणीने नवा उच्चांक प्रस्थापित केला आहे. व्यावसायिक, शेतकरी आणि गाड्यांचे शौकीन यांनी मोठ्या संख्येने वाहनांची नोंदणी करत, नव्या वर्षाची दमदार सुरुवात केली आहे.
कोल्हापूर आणि इचलकरंजीतील वाहन नोंदणीचा धडाका!
कोल्हापूर (MH09) आणि इचलकरंजी (MH51) या दोन्ही कार्यालयांमध्ये 2023-24 आणि 2024-25 मध्ये जबरदस्त वाहन नोंदणी झाली. गुढीपाडव्याच्या पार्श्वभूमीवरही वाहन खरेदीला विशेष चालना मिळाली.
MH09 (कोल्हापूर) वाहन नोंदणी:
2023-24: 10,312 नव्या गाड्या रस्त्यावर
2024-25: 11,277 वाहनांची वाढ
MH51 (इचलकरंजी) वाहन नोंदणी:
2024-25: तब्बल 3,767 वाहनांची नोंदणी
शेतकरी आणि व्यावसायिकांची मोठी मागणी!
मोटारसायकल/स्कूटर: कोल्हापूरकरांसाठी हेच पहिलं वाहन – MH09 – 10,957, MH51 – 3,622
मोटार कार: मोठ्या संख्येने नोंदणी – MH09 – 276, MH51 – 117
मालवाहतूक वाहने: व्यावसायिक आणि शेतकऱ्यांच्या गरजा पूर्ण करणारी मोठी खरेदी – MH09 – 10, MH51 – 14
तीन चाकी (गुड्स आणि पॅसेंजर): ग्रामीण आणि शहरी भागातील सोयीसाठी नोंदणी – MH09 – 34, MH51 – 14
फॅन्सी नंबरसाठी कोल्हापूरकरांची घोडदौड – कोटींचा महसूल!
कोल्हापूरकर आणि इचलकरंजीतील गाडीप्रेमींना फॅन्सी नंबरच हवाय! त्यासाठी लाखो रुपये मोजण्याची त्यांची तयारी असते. यामुळे RTO कार्यालयांना मोठा महसूल मिळाला.
MH09 (2023-24): 13.70 कोटी रुपयांचा फॅन्सी नंबर महसूल
MH09 (2024-25): 13.61 कोटी रुपयांची तगडी कमाई
MH51 (2024-25): 4.19 कोटी रुपये
RTO अधिकारी संजय भोर यावर काय म्हणाले बघा :
या बाबत RTO अधिकारी संजय भोर यांनी समाधान व्यक्त करत सांगितले की, “कोल्हापूरकरांचा वाहनप्रेमी स्वभाव आणि फॅन्सी नंबरसाठी असलेली आवड संपूर्ण महाराष्ट्रात प्रसिद्ध आहे. यंदाच्या गुढीपाडव्याच्या मुहूर्तावरही नागरिकांनी नवीन वाहन खरेदीस मोठा प्रतिसाद दिला आहे. विशेषतः मोटारसायकल, कार, ट्रॅक्टर आणि व्यावसायिक वाहनांच्या नोंदणीत लक्षणीय वाढ झाली आहे. यामुळे महसूल वाढीला मोठा हातभार लागला आहे.”
ते पुढे म्हणाले, “फॅन्सी नंबरसाठी कोल्हापूर आणि इचलकरंजीतील वाहनचालकांकडून मोठी मागणी असते. त्यामुळे RTO विभागासाठी ही संधीच असते. MH09 आणि MH51 या दोन्ही RTO कार्यालयांनी फॅन्सी नंबर नोंदणीतून कोट्यवधींचा महसूल मिळवला आहे, याचा आम्हाला आनंद आहे. भविष्यातही वाहनधारकांना उत्तम सेवा देण्याचा आमचा प्रयत्न असेल.”
त्यांनी इलेक्ट्रिक वाहनांबद्दलही सकारात्मकता दर्शवली. “इलेक्ट्रिक वाहनांची मागणी वाढत असून, याकडे वाहनधारकांचा कल वाढतो आहे. इंधन दरवाढ आणि पर्यावरणपूरक वाहतुकीच्या दृष्टीने हा बदल स्वागतार्ह आहे,” असे भोर यांनी स्पष्ट केले.
============================
“कोल्हापूर हे नेहमीच स्वतःची ओळख निर्माण करत आले आहे. इथे वाहन आणि नंबर प्लेट्सचाही ‘जगात भारी’ थाट आहे. नागरिकांनी कायद्याचे पालन करत सुरक्षित वाहतूक करावी, हीच आमची अपेक्षा आहे,” असे प्रादेशिक अधिकारी संजय भोर यांनी नमूद केले.
इलेक्ट्रिक वाहनांची मागणीही वाढली!
पर्यावरणपूरक आणि इंधन बचतीच्या दृष्टीने कोल्हापूर आणि इचलकरंजीतील नागरिकांनी इलेक्ट्रिक वाहनांकडेही कल दाखवला आहे. 2023-24 आणि 2024-25 मध्ये इलेक्ट्रिक वाहनांच्या नोंदणीमध्ये मोठी वाढ झाली असून, भविष्यात त्याचा वेग आणखी वाढण्याची शक्यता आहे.
व्यावसायिक आणि शेतकरीही आघाडीवर!
गुढीपाडव्याच्या निमित्ताने केवळ शहरातील नागरिकच नाही तर व्यावसायिक आणि शेतकरी वर्गानेही मोठ्या प्रमाणावर नवीन वाहनांची खरेदी केली. यामध्ये ट्रॅक्टर, ट्रेलर, मालवाहतूक ट्रक्स आणि व्यवसायासाठी लागणाऱ्या वाहनांची संख्या लक्षणीय आहे. कोल्हापूर जिल्ह्यातील शेतकरी आणि व्यापारी वर्ग आधुनिक वाहनांकडे वळत असल्याचं यावरून दिसून येतं.
कोल्हापूरचा थाट नेहमीच भारी!
गुढीपाडव्याच्या शुभमुहूर्तावर नवीन वाहन घेऊन, खास फॅन्सी नंबरसह कोल्हापूरकरांनी पुन्हा एकदा दाखवून दिलं – “जगात भारी, सर्वात भारी कोल्हापुरी!”
Started a new company? Let us help you build a strong HR foundation—contact us for professional HR development, policies, processes, and people management solutions.
