पक्षाचे सांगली शहर जिल्हाध्यक्ष संजय बजाज यांच्या हस्ते शितल खाडे यांना ‘सांगली शहर जिल्हा उपाध्यक्ष पदी’ नियुक्तीचे पत्र देऊन पुष्पगुच्छ देत शुभेच्छा…
सांगली – राष्ट्रवादी काँग्रेस शरदचंद्र पवार पक्षाचे प्रदेशाध्यक्ष आमदार जयंतरावजी पाटील साहेब यांच्या प्रमुख उपस्थित मुंबई येथील प्रदेश कार्यालयात बहुजन मुक्ती पार्टीचे माजी राष्ट्रीय महासचिव आणि महाराष्ट्राचे प्रदेशाध्यक्ष बाळासाहेब मिसाळ-पाटील आणि बहुजन मुक्ती पार्टीचे प्रदेश उपाध्यक्ष तथा कामगार नेते संतोषभाई घरत यांच्या नेतृत्वाखाली महाराष्ट्र राज्यातील सर्वच प्रदेश कार्यकारिणी पदाधिकारी व महिला पदाधिकारी, कार्यकर्त्यांनी राष्ट्रवादी काँग्रेस शरदचंद्र पवार पक्षात जाहीर पक्षप्रवेश केला आहे.
येणाऱ्या काळात सांगलीमध्ये संजयजी बजाज यांच्या मार्गदर्शनाखाली आणि नेतृत्वाखाली आपल्या राष्ट्रवादी काँग्रेस शरदचंद्र पवार या पक्षासाठी प्रामाणिकपणे, ताकदीने काम करु अशी ग्वाही शितल खाडे यांनी दिली. यावेळी विश्व लिंगायत महासभेचे राष्ट्रीय उपाध्यक्ष इंजि. एन. पी. कोरे, अनिल कोरे, नवनाथ भालेकर, उमेश मोरे, सुर्यकांत खाडे, विशाल खाडे, विजय कांबळे, संतोष कांबळे, श्रावण साबळे, समाधान साबळे, सम्यक खाडे, संतोष हेगडे, गणेश जगताप, आकाश जाधव, आशिष विभुते, रोहित कांबळे, विशाल शिंदे, प्रियेष नायकवडी, गोपाल आदि कार्यकर्ते उपस्थित होते.
यावेळी राष्ट्रवादी काँग्रेस सेवादल तथा ग्राहक संरक्षण समितीचे शहर जिल्हाध्यक्ष महालिंग हेगडे यांनी उपस्थितांचे स्वागत आणि कार्यक्रमाचे प्रास्ताविक केले. यावेळी राष्ट्रवादी काँग्रेस शरदचंद्र पवार पक्षाचे सांगली शहर जिल्हाध्यक्ष संजयजी बजाज, सांगली विधानसभा क्षेत्र अध्यक्ष सचिन जगदाळे, राष्ट्रवादी काँग्रेस सेवादल तथा राष्ट्रवादी ग्राहक संरक्षण समितीचे सांगली शहर जिल्हाध्यक्ष महालिंग हेगडे, राष्ट्रवादी काँग्रेस रिक्षा संघटनेचे जिल्हाध्यक्ष रामभाऊ पाटील, राष्ट्रवादी काँग्रेस सांगली शहर जिल्ह्याचे खजिनदार निलेश शाह, अझरुद्दीन जमादार आणि रोहित आठवले आदी उपस्थित होते.
