सीपीआर प्रकरण- कारवाईला विलंब का? हे सारे संगनमताने की, काेणाच्या वरदहस्ताने- जयराज काेळी

काेल्हापूरः  छत्रपती प्रमिला राजे रुग्णालयातील टेंडरमध्ये शासकीय बनावट दस्तावेज वापरून सांगमताने करोडो रुपये लाटणाऱ्यावर पालमंत्री कार्यवाही करून cpr अद्यावत करणारं की या बांडगुळांना पाठीशी घालणार असा सवाल उपस्थित केला जात आहे. सीपीआरमधील प्रकरणाची सविस्तर माहिती देऊन ही अद्याप, वरिष्ठ स्तरावरून कारवाईला विलंब का केला जात आहे. यात नेमका हात कुणाचा आहे, हे जनतेला समजले पाहिजे, अशी मागणी पत्रकार परिषदेत माहिती अधिकार कायद्याच्या अंतर्गत माहिती जिल्हाध्यक्ष जयराज कोळी यांनी केली हाेती. मात्र, याला अद्याप उत्तर दिले जात नसल्याने त्यांनी प्रशासन विराेधात तीव्र नाराजी व संताप व्यक्त करीत, यावर तातडीने खुलासा ना केल्यास, अन्य मार्गाने जाब विचारला जाईल असाही इशारा जयराज काेळी यांनी नुकताच दिला आहे. 

माहिती अधिकार कायद्याच्या अंतर्गत CPR सर्जिकल स्टोर विभागास भेट देऊन कागदपत्रांची व 18 ऑक्टोबर रोजी झालेल्या Gem पोर्टल द्वारे टेंडर प्रक्रिये संबंधी माहिती जिल्हाध्यक्ष जयराज कोळी यांनी पाहिली असता यात मोठ्या प्रकारचा भ्रष्टाचार झालेला आढळून आले. त्यामुळे या सर्व प्रकरणाच्या मुळाशी जाऊन काेळी यांनी अधिक माहिती जमविली असून, त्याच माहितीच्या आधारे, त्यांनी प्रशासकीय यंत्रणा व पालकमत्री यांच्याकडे मागणी केलीय की, यातील दाेषींवर तातडीने कारवाई करावी. या मध्ये काेळी यांनी खालील मुद्दांवर अंगुली निर्देश दाखविला आहे. या प्रेस परिषदेसाठी पश्चिम महाराष्ट्र कार्याध्यक्ष अमरनाथ शेणेकर,शरद पोवार,रणजित मोरे,अमृत पाटील, अनीस मुजावर,विनायक सुतार आदी मान्यवर उपस्थित होते.