महापारेषण आयोजित राज्यस्तरीय नाट्य स्पर्धेला सुरुवात
कराड – महापारेषण कराड परिमंडळ आयोजित आंतर परिमंडल् नाट्य स्पर्धा ‘‘कलाविष्कार’’या नाट्य स्पर्धेचे उद्घाटन महापारेषण कंपनीचे संचालक अनिल कोलप, यांच्या हस्ते पार पडले.यावेळी गेल्या दोन वर्षापासून आपण कोरोनाच्या या कठीण कालावधी काम केले. त्या दोन वर्षाच्या कालावधी आपण कोणतेही नाट्य स्पर्धा किंवा क्रीडा स्पर्धा घेतलेल्या नाहीत. त्यामुळे या नाट्य स्पर्धा यशस्वीरित्या पार पाडा आणि लवकरच आपण क्रीडा स्पर्धा घेणार असल्याचं त्यांनी यावेळी सांगितलं.
कराड येथील यशवंतराव चव्हाण स्मृतिसदनात आज पासून होणाऱ्या नाट्य स्पर्धेसाठी महापारेषणचे राज्यभरातील कलावंत आज कराड मध्ये दाखल झाले.सर्वप्रथम मान्यवरांच्या हस्ते दीप प्रज्वलन करून त्या कार्यक्रमाचे सुरुवात करण्यात आली यावेळी महापारेषण कंपनीचे संचालक अनिल कोलप, यांचे पुष्पगुच्छ शाल, श्रीफळ आणि भेटवस्तू देऊन स्वागत करण्यात आले.तसेच कराड परिमंडलच्या मुख्य अभियंता शिल्पा कुंभार यांचे सुद्धा पुष्पगुच्छ व शाल श्रीफळ देऊन स्वागत करण्यात आले.महापारेषण कराड परिमंडळ आयोजित महापारेषण आंतर परिमंडल् नाट्य स्पर्धा ‘‘कलाविष्कार’’ आज पासून पुढील चार दिवस पार पडणार आहेत.
VIDEO नक्की पहा https://positivewatch.in/video
महापारेषण मधील राज्यभरातील कर्मचारी हे वर्षाचे 365 दिवस वीज पुरवठा सुरळीत राहावा यासाठी नियमित काम करत असतात. गेली दोन वर्ष कोरोना मध्ये सुद्धा आपल्या जीवाची परवा न करता या कर्मचाऱ्यांनी अहोरात्र मेहनत घेऊन काम केले आहे.
पुढील चार दिवस या नाट्य स्पर्धा सुरू राहणार आहेत.आज सकाळी कराड परिमंडलाचे स्पर्श, तर दुपारी वाशी परिमंडळाचे भू-भू, हे दोन नाटके मोठ्या रसिक प्रेक्षकांच्या उपस्थितीत पार पडली तर गुरुवारी (ता. ८) सकाळी दहा ते दुपारी एकपर्यंत नागपूर परिमंडलाचे तीस तेरा, दुपारी चार ते सात पुणे परिमंडलाचे लाली, शुक्रवार (ता. ९) सकाळी दहा एकपर्यंत अमरावती परिमंडलाचे जननी जन्मभूमीच्छ, दुपारी चार ते सात नाशिक परिमंडलाचे वैशाली कॉटेज, शनिवार (ता. १०) सकाळी नऊ ते बारापर्यंत औरंगाबाद परिमंडलाचे तर दुपारी तीन ते सहा मुंबईच्या सांघिक कार्यालयाचे द आऊट बर्स्ट ही नाटके होतील.
याच कर्मचाऱ्यांमधील अनेक कलागुणांना वाव मिळावा यासाठी दरवर्षी महापारेषण विविध कार्यक्रमांचे आयोजन करत असते. त्याच कार्यक्रमाचा एक भाग म्हणून यावर्षी राज्यस्तरीय आंतर परिमंडळ नाट्य स्पर्धा, कराड येथे आयोजित करण्यात आल्या आहेत. या नाट्य स्पर्धेसाठी राज्यभरातील आठ परिमंडळातून महापारेषणचे कर्मचारी आणि अधिकारी सहभागी झाले आहेत.
उद्घाटन प्रसंगी शिल्पा कुंभार, मुख्य अभियंता कराड परिमंडल ,चिदाप्पा कोळी, अधीक्षक अभियंता, अतुल मनुरकर, अधीक्षक अभियंता, प्रांजल कांबळे, अधीक्षक अभियंता, अभिजीत धमाले, अधीक्षक अभियंता, (प्रभारी), राजेश केळवकर, सहा. महाव्यवस्थापक (विवले) व राजू कोळी, सहा. महाव्यवस्थापक (मासं) (प्रभारी) आदीन सह वीणा खोत अधीक्षक अभियंता,अविनाश कसबेकर अधीक्षक अभियंता यांच्यासह अनेक महापारेषणचे कर्मचारी व अधिकारी उपस्थित होते.
शनिवारी सायंकाळी सात वाजता स्पर्धेचे पारितोषिक वितरण मान्यवरांच्या उपस्थितीत होईल. त्यास सर्वांनी उपस्थित राहावे, असे आवाहन नाट्य सचिव चिदाप्पा कोळी यांनी केले आहे.