गारगाेटी- नंदवाळ गावचा तरुण सुनील वामन कांबळे… वय अवघं 32 वर्षं… पण डोळ्यांत मात्र जग जिंकल्याचं स्वप्न! गरिबीच्या सावल्यांमध्ये वाढलेला हा तरुण, आपल्या कुटुंबाला एक उज्वल भविष्य देण्यासाठी रात्रंदिवस मेहनत करत होता. एकच ध्यास — पोलीस दलात भरती होऊन आपल्या माउलीला अभिमानाने म्हणता यावं, “माझा मुलगा पोलीस झाला!”
घरात चार बहिणी, दोन लहान मुलं, पत्नी आणि वयोवृद्ध आई-वडील. त्यांचं जग सुनीलभोवती फिरायचं. त्याच्या डोळ्यांतील जिद्दच त्यांचं आधारवड होतं. पहाटे उठून धावण्याचा सराव, काटेकोर आहार, कठोर व्यायाम — सगळं त्याच्या स्वप्नासाठी. कोणतीही तक्रार नाही, थकवा नाही, फक्त एक ध्यास — ध्येयपूर्तीसाठी हर हालातीत लढायचं!
मात्र, या लढवय्याच्या आयुष्यात एक काळी पहाट आली…
सोमवारी, नेहमीप्रमाणे वाशी-नंदवाळ रस्त्यावर तो धावत होता. अवनी संस्थेजवळ पोहोचताच त्याच्या छातीत अचानक कळ उठली. काही समजायच्या आतच तो जमिनीवर कोसळला. सोबतचे मित्र धावले, त्याला तात्काळ रुग्णालयात नेण्यात आलं, पण नियतीने काहीतरी वेगळंच लिहून ठेवलं होतं… डॉक्टरांनी सुनीलला मृत घोषित केलं.
आज सुनील नाही, पण त्याचं स्वप्न, त्याची जिद्द, त्याचा संघर्ष प्रत्येक तरुणाला एक शिकवण देतो — स्वप्नं मोठी पाहा, आणि त्यासाठी झटायला कधीही मागे हटू नका.त्याच्या जाण्याने नंदवाळ गाव सुन्न आहे. त्याच्या आईच्या डोळ्यांतून ओघळणाऱ्या अश्रूंमध्ये फक्त दुःख नाही, तर अभिमानही आहे — असा मुलगा लाभणं म्हणजेच जीवनाचं खरं यश.आज सुनील आपल्यात नाही, पण तो हजारो तरुणांच्या मनात एक चिरंतन प्रेरणा म्हणून जिवंत राहील…
 |
 |
 |
