जळगांव च्या अनुभूती मैदानावर कोल्हापूर विभागाचा जल्लोष
कोल्हापूर – महाराष्ट्र राज्य मार्ग परिवहन महामंडळाच्या आंतर विभागीय क्रिकेट स्पर्धा जळगांव येथील जैन व्हॅली परिसरातील अनुभूती मैदानावर नुक्त्याच पार पड़ल्या या स्पर्धात अंतिम फेरीचा महत्त्वपूर्ण सामना अखेर कोल्हापूर संघाने जिंकला. नाणेफेक जिंकल्यानंतर जळगाव संघाने प्रथम फलंदाजी करण्याचा निर्णय घेतला. जळगांव संघाने 40 षटक खेळून 9 गडी बाद 207 धावा केल्या. जळगांव विभागाची सुरुवात थंड पद्धतीने झाली. सुरुवातीलाच त्यांचे तीन बळी गेल्यामुळे वातावरण धीर गंभीर झाले होते. परंतु फलंदाजीसाठी आलेल्या अनिकेत न्हाळदे 29 धावा व मुद्दसर आझाद 49 धावा तर जय छावरिया 48 धावा यांनी चांगली फलंदाजी करून धावसंख्या वाढवली.कोल्हापूर तर्फे गोलंदाजीत रणधीर कांबळे 17 धावात 4 बळी तर संदेश मराठे 35 धावात 2 बळी घेतले.
जळगांव विभागाने दिलेले लक्ष्य प्राप्त करण्यासाठी कोल्हापूर विभागाने दमदार सुरुवात केली.प्रमोद समुद्रे याने 51 धावा तर प्रविण बागणे 30 धावा करीत एक मजबूत भागीदारी करून जळगाव च्या गोलंदाजीतील हवाच काढून घेतली.कोल्हापूर संघाचे कॅप्टन संदेश मराठे नाबाद 48 धावा व विनायक मुरकुटे नाबाद 53 धावा करत तब्बल 101 धावाची भागीदारी करत मैदानावर सर्वोत्कृष्ट प्रदर्शन करीत कोल्हापूर संघाला 3 गडी राखून विजयी केले.
सामन्यात मॅन ऑफ द मॅच पुरस्कार तसेच स्पर्धेतिल उत्कृष्ट गोलंदाज़ पुरस्कार रणधीर कांबळे मॅन ऑफ द सिरीज पुरस्कार व स्पर्धेतील उत्कृष्ट फलंदाज संदेश मराठे, यांना मिळाला. सदर स्पर्धेतील उपांत्य सामना कोल्हापूर विरुद्ध सोलापूर यांच्यामध्ये होऊन कोल्हापूर विभागाने सोलापूर विभागावर मात करून अंतिम फेरीत प्रवेश केला. या सामन्यामध्ये कोल्हापूर विभागाने प्रथम फलंदाजी करताना निर्धारित 40 षटकांमध्ये 280 धावांचा डोंगर उभा केला होता त्यामध्ये प्रामुख्याने कर्णधार संदेश मराठे याने 71 धावा तर सचिन मलके याने 61 धावा ओमकार पाटील याने नाबाद 43 धावा, शरद पाटील 20 धावा केल्या. सोलापूर तर्फे गोलंदाजीत अब्दुल्ला शेख यांनी चार तर रोहन तारापूरकर याने दोन बळी घेतले. उत्तरार्धात सोलापूर विभागाचा संघ 32.2 षटकात सर्व गडी बाद 2002 धावाच करू शकला. त्यांच्या अण्णा रणदिवेने 76 धावा तर हर्षद आटले याने 35 धावा केल्या. कोल्हापूर विभागातर्फे गोलंदाजी मध्ये विनायक मुरकुटे याने 4 तर रणधीर कांबळे यांनी 3 बळी घेतले व सामना आरामात जिंकला. या सामन्यातील सामनावीर कर्णधार संदेश मराठे याला घोषित करण्यात आले.
विजेत्या कोल्हापूर संघाला अभयजी देशमुख (विभाग नियंत्रक कोल्हापूर), संदीप भोसले (कामगार अधिकारी) व कोल्हापूर विभागातील सर्व अधिकारी तसेच दिपक घारगे, जितेंद्र इंगवले, राम करपे, बाळासाहेब माने यांचे मोलाचे मार्गदर्शन मिळाले. सर्व श्रमिक संघटना व कर्मचारी यांनी विजयी संघाचे उत्स्फूर्तपणे जल्लोषात स्वागत केले. बक्षीस वितरण समारंभास जळगाव विभागाचे विभाग नियंत्रक दिलीप बंजारा, कामगार अधिकारी कमलेश भावसार, सुरक्षा व दक्षता अधिकारी दिपक जाधव, लेखा अधिकारी मिलिंद सांगळे यांची विशेष उपस्थिती होती.
